ការសិក្សាបានបង្ហាញថា Facebok, Twitter និងបណ្តាញសង្គមអ៉ីនធឺណេតសព្វថ្ងៃនេះ គឺជាបណ្តាញសម្រាប់ការជួញដូរគ្រឿងញៀនខុសច្បាប់

យោងតាម Bangkok Post បាននិយាយថា បណ្តាញសង្គមអ៉ីនធឺណេតឥឡូវនេះ គឺជាបណ្តាញដ៏ពេញនិយម សម្រាប់ការលក់គ្រឿងញៀនខុសច្បាប់។ លទ្ធផលនៃការស្រាវជ្រាវ ត្រូវបានចេញផ្សាយនៅក្នុងកិច្ចពិភាក្សាមួយ ដែលមានចំណងជើងថា «ទីផ្សារគ្រឿងញៀន និងឧក្រិដ្ឋកម្មតាមអ៊ិនធឺរណែត» ដែលមានការចូលរួមពីតំណាងការិយាល័យ ការិយាល័យត្រួតពិនិត្យគ្រឿងញៀន និងការិយាល័យអង្គការសហប្រជាជាតិ ស្តីពីគ្រឿងញៀន និងឧក្រិដ្ឋកម្ម (UNODC)។

ការសិក្សាលើបញ្ហានេះត្រូវបានធ្វើឡើងតាំងពីខែមេសា ដល់ចុងខែមុន និងធ្វើឡើងដោយអ្នកស្រី Kanittha Thaikla ដែលជាសាស្រ្តាចារ្យ នៅវិទ្យាស្ថានស្រាវជ្រាវវិទ្យាសាស្ត្រសុខាភិបាលនៃសាកលវិទ្យាល័យឈៀងម៉ៃ ហើយគាត់បានបង្ហាញថា Twitter គឺជារបៀបទំនាក់ទំនងដ៏ពេញនិយមរវាងអ្នកចែកចាយគ្រឿងញៀន និងអ្នកទិញ ខណៈកាលពីមុនការជួញដូរគ្រឿងញៀនតាមអ៉ីនធឺរណែត ត្រូវបានធ្វើឡើងភាគច្រើនតាមរយៈ Facebook និង Line ។

នៅកំឡុងពេលសិក្សានោះគាត់បានរកឃើញថា ម្ចាស់គណនី Twitter ជាង ២០០ បានជួញដូរគ្រឿងញៀន និងគ្រប់គ្រងគ្រឿងញៀន។ អ្នកប្រើប្រាស់បណ្តាញសង្គម Twitter ថ្មីៗជាច្រើន បានទិញថ្នាំមេតំហ្វេតាមីនគ្រីស្តាល់ (ម៉ា​ទឹក​កក​), កញ្ឆា, ថ្នាំមេតំហ្វេតាមីន (យ៉ាម៉ា), ថ្នាំ kratom និងថ្នាំបំបាត់ការឈឺចាប់ ក្រោមការគ្រប់គ្រងតឹងរឹង។ អ្នកលក់ និងអ្នកទិញបានប្រាស្រ័យទាក់ទងគ្នាតាមរយៈបណ្ដាញ និងគេចវេសពីការត្រួតពិនិត្យរបស់អាជ្ញាធរ។ បន្ទាប់ពីដាក់ការបញ្ជាទិញ និងផ្ទេរប្រាក់រួច អតិថិជននឹងបានទទួលថ្នាំតាមរយៈសេវាកម្មដឹកជញ្ជូន៕

អត្ថបទ៖ លីដា