អបអរសាទរ! សិស្សកម្ពុជា៤រូប ទទួលបានពានរង្វាន់ពីកម្មវិធីប្រកួតប្រជែងអន្តរជាតិផ្នែកបច្ចេកវិទ្យា e-ICON លើកទី៩ នៅសាធារណរដ្ឋកូរ៉េ
សាធារណរដ្ឋកូរ៉េ៖ ក្រសួងអប់រំ យុវជន និងកីឡា បានបញ្ជូនគ្រូដឹកនាំ០១រូប និងសិស្សចំនួន០៤រូប ដើម្បីចូលរួមក្នុងកម្មវិធីប្រកួតប្រជែងស្ដីពី 9the-Learning International Contest of Outstanding NewAges (e-ICON) ខែសីហា ឆ្នាំ២០១៩ នៅទីក្រុងប៊ូសាន សាធារណរដ្ឋកូរ៉េ។ ក្នុងអំឡុងនៃកម្មវិធីនេះ សិស្សកម្ពុជា ត្រូវបានបែងចែកជាពីរក្រុមផ្សេងៗគ្នា ដោយក្រុមនីមួយៗ មានការចូលរួមពីសមាជិកដែលសិស្សមកពីបណ្ដាប្រទេសផ្សេងៗគ្នា សហការធ្វើការរួមគ្នា ក្នុងការអភិវឌ្ឍកម្មវិធីទូរស័ព្ទ នៅក្នុងយុគសម័យសកលភាវូបនីយកម្ម និងឌីជីថលចូលរួមចំណែកសម្រេចឲ្យបានការអភិវឌ្ឍប្រកបដោយចិរភាព។
ជាលទ្ធផលក្រុមដែលបានសិស្សកម្ពុជាទាំង០២ក្រុម ទទួលបានជ័យលាភីលេខ២ និងពានរង្វាន់ Navigator Award មានដូចជា ១.យុវសិស្ស អ៊ឹង អៀវហ៊ាង សិស្ស វិទ្យាល័យព្រះស៊ីសុវត្ថិ (សាលារៀនជំនាន់ថ្មី) , ២.យុវសិស្ស សេក សុខម៉ារ៉ាលីន សិស្ស វិទ្យាល័យព្រះយុគន្ធរ (កម្មវិធីE2STEMEducation) ៣.យុវសិស្ស យ៉ាំ លួយសួង សិស្ស វិទ្យាល័យព្រះមុនីវង្ស ខេត្តបាត់ដំបង និង ៤.យុវសិស្ស អ៊ុ មរកតបុប្ផា សិស្ស សាលារៀន Liger៕
ប្រភព៖ ក្រសួងអប់រំយុវជន និងកីឡា