ស្ត្រីម្នាក់ធ្វើដំណើរទៅសំរាលកូននៅមន្ទីរពេទ្យ តែមិនទាន់ដល់ផងត្រូវឈឺពោះសំរាលកូននៅតាមផ្លូវជាតិតែម្តង

ខេត្តសៀមរាប ៖ កាលពីព្រឹកវេលាម៉ោង ៦និង៣០ ថ្ងៃទី៩ ខែកញ្ញា ឆ្នាំ២០១៩នេះ មានករណីស្រ្តីម្នាក់ ខណៈដែលធ្វើដំណើរតាមដងផ្លូវជាតិលេខ៦ ទៅសំរាលកូន នៅមន្ទីរពេទ្យ តែមកដល់ ចំណុចភូមិស្ពានក្អែក ឃុំកណ្តែក ស្រុកប្រាសាទបាគង ខេត្តសៀមរាប មិនទាន់ដល់ពេទ្យផង ក៏ត្រូវឈឺពោះសំរាលកូន នៅតាមផ្លូវជាតិតែម្តង ត្រូវបានសមត្ថកិច្ចមូលដ្ឋាន និងបងប្អូនអ្នកធ្វើដំណើរដូចគ្នា ជួយសម្រាល ។

បន្ទាប់ពីសម្រាលហើយ និងទទួលសេចក្តីរាយការណ៍ភ្លាម លោក សូរ ប្លាតុង អភិបាលនៃគណៈអភិបាលស្រុកប្រាសាទបាគង បានចាត់អោយក្រុមការងារ ធ្វើការទំនាក់ទំនងទៅរថយន្តសង្គ្រោះ ជួយបញ្ជូនស្ត្រីនិងកូនខាងលើ ទៅមណ្ឌលសុខភាពឃុំបាគង ដើម្បីពនិត្យ ថែទាំ បន្តទៀត៕