ប្រសិនបើអ្នកគឺជាហ្វេនមួយរបស់វិស័យស្មាតហ្វូន នោះអ្នកនឹងសង្កេតឃើញថា ស្មាតហ្វូនដែលដំណើរការដោយប្រព័ន្ធ Android ជាច្រើនបាននឹងកំពុងព្យាយាមកូពីស្ដាយក្បាលឆក និងរចនាបទមួយចំនួនផ្សេងទៀតពី iPhone X។ ទោជាយ៉ាងណា ក្បាលឆកនេះគឺទាន់សម័យ ហើយមិនថាអ្នកស្រលាញ់ រឺអត់ទេ គឺអ្នកគ្មានជម្រើសឡើយ ពោលគឺត្រូវតែប្រើ។ ដោយឡែក ក្រុមហ៊ុនមួយចំនួនដែលចម្លងរចនាបទនេះគឺមានដូចជា Asus, Huawei, LG និង OnePlus។

ក្នុងចំណោមក្រុមហ៊ុនទាំងអស់នេះ មានក្រុមហ៊ុនមួយចំនួនដូចជា Asus និង Huawei បាននឹងកំពុងព្យាយាមយ៉ាងអស់ពីលទ្ធភាពដើម្បីឲ្យក្បាលឆករបស់ខ្លួនមានសភាពអស្ចារ្យជាង iPhone X។ ឯក្រុមហ៊ុន OnePlus ក៏មិនខុសគ្នាដែរ គឺសម្រាប់ម៉ូដែលចុងក្រោយបង្អស់ OnePlus 6 នឹងមានភ្ជាប់មកជាមួយនឹងក្បាលឆកដូចគ្នា។ ទោះជាយ៉ាងណា ការកូពីនេះគឺមានចំណុចអវិជ្ជមានមួយចំនួន។

រូបភាពខាងលើនេះ ត្រូវបានថតដោយលោក Topes De Gama សញ្ជាតិអេស៉្បាញ ដែលបង្ហាញពីកំពូលស្មាតហ្វូន Huawei P20 កំពុងដំណើរការកម្មវិធី Instagram។ តាមរយៈរូបភាពនេះ មិនចាំបាច់ពន្យល់ឡើយ ដូចទៅនឹងអ្វីដែលអ្នកទាំងអស់គ្នាឃើញស្រាប់ហើយថា ក្បាលឆកដែលស្ថិតនៅផ្នែកខាងលើគឺបាំងមុខងារមួយរបស់ Instagram។

គួរបញ្ជាក់ផងដែរថា Huawei P20 គឺមានក្បាលឆកនៅផ្នែកខាងលើដូចគ្នាទៅនឹង iPhone X ដែរ ប៉ុន្ដែហាក់ដូចជាខុសបច្ចេកទេសបន្ដិច។ ទោះជាយ៉ាងណា ជាមួយនឹងក្បាលឆកនេះគឺមិនមែនជាបញ្ហាឡើយសម្រាប់ការមើលវីដេអូ រូបភាព រឺលេងហ្គេម ប៉ុន្ដែ បញ្ហានេះគឺបាំងមីនុយតែម្ដង។ សង្ឃឹមថា ក្រុមហ៊ុន Huawei នឹងរកដំណោះស្រាយក្នុងពេលឆាប់ៗនេះ។

Fu

ប្រភព៖ bgr