មនុស្សជាច្រើនជាប់ក្នុងអគារកំពុងរង់ចាំការសង្គ្រោះ ក្រោយមានករណីរញ្ជួយដីក្នុងកម្រិត ៦.៥ វិចទ័រ នៅហ្វីលីពីន ម្សិលមិញនេះ

ហ្វីលីពីន៖ កាលពីថ្ងៃទី៣១ ខែតុលា ឆ្នាំ២០១៩ កន្លងទៅនេះមានករណីរញ្ជួយដីមួយបានកើតមានឡើងនៅឯកោះ Mindanao ដែលស្ថិតនៅភាគខាងត្បូងប្រទេសហ្វីលីពីន។

ករណីរញ្ជួយដីនេះធ្លាប់កើតឡើងម្តងរួចមកហើយកាលពីថ្ងៃទី២៩ ខែតុលា ដោយស្ថិតក្នុងកម្រិត ៦.៦ វិចទ័ ដោយឡែកករណីរញ្ជួយដីលើកទី២នេះវិញ គឺមានកម្រិត ៦.៥ វិចទ័ ដោយបានសម្លាប់មនុស្សយ៉ាងហោចណាស់ជាង៩នាក់ និងមនុស្សជាង១០០នាក់ទៀតរងរបួស។ ករណីរញ្ជួយដីនេះបានបំផ្លាញទ្រព្យសម្បត្តិជាច្រើនព្រោះក្នុងរយៈពេលត្រឹមតែ៣ថ្ងៃប៉ុណ្ណោះ មានការរញ្ជួយដីកើតឡើងដល់ទៅ២ករណី ហើយមនុស្សជាច្រើននាក់បានជាប់ក្នុងអគារបាក់បែក កំពុងរង់ចាំការសង្គ្រោះនៅឡើយ៕

អត្ថបទ៖ មេសា