កម្មករម្នាក់កំពុងជិះម៉ូតូ ត្រូវរថយន្តបុកពីក្រោយ បណ្តាលឲ្យស្លាប់នៅនឹងកន្លែងកេីតហេតុ
កោះកុង៖ នៅថ្ងៃទី ០៤/១២/២០១៩ វេលាម៉ោង ០៦:២៥នាទីព្រឹក មានករណីគ្រោះថ្នាក់ចរាចរណ៍មួយលើក បង្កឡើងដោយរថយន្ត បុកនឹងម៉ូតូពីក្រោយ នៅចំណុចអូរជើងស៊ន លើវិថីសាយភូថង ស្ថិតក្នុងភូមិព្រែក ស្មាច់ ឃុំកោះស្តេច ស្រុកគិរីសាគរ បណ្តាលឲ្យស្លាប់ ១ នាក់ ប្រុស នៅកន្លែងកើតហេតុ។
រថយន្តបង្ក ASIAAM 629D ពណ៍ ត្រួយចេក ពាក់ស្លាក លេខ ក6172 – ភ.ព3 បើកបរពីលិចទៅកើត អ្នកបើកបរពុំស្គាល់អត្តសញ្ញាណ (បានរត់គេចខ្លួនបាត់បន្ទាប់ពីកើតហេតុ) បានប្រើប្រាស់ល្បឿនលឿន ត្រង់ចំណុចផ្លូវកោង ពេលចុះចំណោត ក៏បានបុកជាម៉ូតូ Honda Dream ២០០៤ ពណ៌ខ្មៅ ពាក់ស្លាកលេខ កោះកុង 1A-0342 បើកបរដោយឈ្មោះ គឹម ឌឿន ភេទប្រុស អាយុ ២៦ ឆ្នាំ មានស្រុកកំណើត នៅភូមិព្រែកខ្យង ឃុំតានូន ស្រុកបូទុមសាគរ មុខរបរ កម្មករក្រុមហ៊ុនយូញៀន ផ្នែកជាងផ្សាដែក បណ្តាលឲ្យស្លាប់នៅនឹងកន្លែងកើតហេតុ ។ បច្ចុប្បន្ន សាកសពជនរងគ្រោះ បានប្រគល់ ជូនក្រុមគ្រួសារយកទៅធ្វើ បុណ្យតាមប្រពៃណី ចំពោះវត្ថុតាង រថយន្ត និងម៉ូតូ កម្លាំងយើងបានយករក្សាទុកនៅស្នាក់ការនគរបាល សន្តិសុខកូនកុក៕
ប្រភព៖ ស្នងការដ្ឋាននគរបាលខេត្តកោះកុង