សិល្បករសិល្បការិនី២រូបតំណាងកម្ពុជា ចូលរួម​សម្ដែង​របាំ​ក្នុងកម្មវិធី​ VIVA ASEAN នៅប្រទេសជប៉ុន

តូក្យូ៖ កាលពីពេលថ្មីៗនេះ សិល្បករ​សិល្បការិនី​២រូបរបស់ក្រសួង​វប្បធម៌​និង​វិចិត្រសិល្បៈ​ លោក សួរ គឹមសេង និង កញ្ញា លាវ ច័ន្ទលិកា បានតំណាងកម្ពុជាចូលរួម​សម្ដែង​របាំ​ក្នុងកម្មវធី VIVA ASEAN The Best of ASEAN Performing Arts (Phase III) និងពិព័រណ៍វប្បធម៌អាស៊ាន ឆ្នាំ២០១៩ ដែលធ្វើឡើងនៅទីក្រុងតូក្យូ ប្រទេសជប៉ុន។

ដោយកាលពីថ្ងៃទី១៥ ខែធ្នូម្សិលមិញ សិល្បករសិល្បការិនី២រូបនេះបានសម្តែងបិទកម្មវិធី VIVA ASEAN Phase 3 ដែលការសម្តែងរួមមានសិល្បៈតាមប្រទេសនីមួយៗ ហើយក៏មានការសម្តែងរបាំប្រពៃណី និង រាមកេរ្តិ៍ រួមគ្នាជាមួយបណ្តាប្រទេសអាស៊ានទាំងអស់ផងដែរ៕

រូបភាព៖ Kimseng Teva/ Ka Kou