ល្អមែនទែន! ឧកញ៉ា ស្រី ចាន់ថន ត្រៀមដីតំបន់អភិវឌ្ឍវិហ៊ារសួគ៌ចំនួន២០ហិចតា ដើម្បីរៀបចំកន្លែងទេសចរណ៍បែបវប្បធម៌
ឧកញ៉ា ស្រី ចាន់ថន ជាអគ្គនាយកក្រុមហ៊ុនធំពីរគឺ សេវេនអេនជី (7NG) និងជាក្រុមហ៊ុន ជេតគ្រុប ( Jet Group) បានប្រកាសថាលោកនឹងត្រៀមដីតំបន់អភិវឌ្ឍវិហ៊ារសួគ៌ចំនួន២០ហិចតា ដើម្បីរៀបចំកន្លែងទេសចរណ៍បែបវប្បធម៌ ដើម្បីអោយបងប្អូនចូលរួមទស្សនា និងថែរក្សាវប្បធម៌ជាតិ។
ដោយឧកញ៉ា ស្រី ចាន់ថន បានសរសេររៀបរាប់នៅលើគណនីហ្វេសប៊ុករបស់ខ្លួនយ៉ាងដូច្នេះថា៖ “ខ្ញុំជាខ្មែរអង្គរ ខ្ញុំមានឧត្តមគតិ និងឆន្ទះ ព្យាយាម អត់ធ្មត់ ! ប្រជាជនខ្មែរម្ចាស់ស្រុក យើងមិនអន់ទេ ! សូមកុំប្រៀបធៀបជាមួយគេ យើងមានចំណុចខ្លាំងរបស់យើងស្រាប់ គេគ្រាន់តែចំលង និងកែច្នៃ តែយើងមានលទ្ធភាព គ្រប់គ្រាន់ សូមបងប្អូនទាំងអស់ចូលរួម គាំទ្រលើកស្ទួយ ព្រោះយើងជាម្ចាស់ដើមនៃសិល្បះ និងក្បូរក្បាច់រចនាពីបុរាណ។
ក្នុងនាមជាកូនខ្មែរមួយរូប ខ្ញុំនឹងត្រៀមដីតំបន់អភិវឌ្ឍវិហ៊ារសួគ៌ ចំនួន២០ហិចតា រៀបចំអភិរក្ស តំបន់ទេសចរណ៍បែបវប្បធម៌ ដើម្បីអោយបងប្អូនចូលរួមទស្សនា និងថែរក្សាវប្បធម៍ជាតិ។ សូមពុកម៉ែ បងប្អូន ទាំងអស់ចូលរួមគាំទ្រ ជាពិសេស សូមបងប្អូន ដែលពាក់ព័ន្ធនឹងវិសយ័ វប្បធម៍ អរិយធម៍ អាចសូមចូលរួមcomment និងដាក់ជាលេខទូរស័ព្ទមកទាំងអស់គ្នា ដើម្បីសហការគ្នា ដើម្បីរកផ្លូវ និងកសាងទៅមុខ ព្រោះយើងជាពូជខ្មែរ ខ្លាំង មិនអាចចាញ់គេបានទេ ។ រួមគ្នាដើម្បីលើកតម្កើងកិត្យានុភាព នូវស្នាដៃរបស់កូនខ្មែរ លើឆាកអន្តរជាតិ ឲ្យកាន់តែច្បាស់ថា កូនខ្មែរអាចធ្វើបាន រក្សាបាន ដ៏អស្ចារ្យ I love Cambodia”៕
