បុរសជនបរទេស ដែលបង្ហោះវីដេអូថា កុំឲ្យភ្ញៀវទេសចរមកលេងកម្ពុជានោះ ឥលូវនេះត្រូវបានហាមឃាត់លែងឲ្យជាន់ដីខ្មែរមួយជីវិត

រាជធានីភ្នំពេញ៖ នាព្រឹកថ្ងៃទី១៩ ខែធ្នូ ឆ្នាំ២០១៩នេះ នាយឧត្តមសេនីយ៍ គៀត ច័ន្ទថារិទ្ធ អគ្គនាយកនៃអគ្គនាយកដ្ឋានអន្តោប្រវេសន៍ នៃក្រសួងមហាផ្ទៃ បានសម្រេចបិទទិដ្ឋាការ និងដាក់ឈ្មោះបុរសជនជាតិអ៊ីរ៉ង់ ដែលជាម្ចាស់ Youtube ឈ្មោះ “James FT” ចូលក្នុងបញ្ជីហាមឃាត់មិនឲ្យចូលមកក្នុងប្រទេសកម្ពុជាទៀតឡើយ ដោយសារតែបុរសជនជាតិអ៊ីរ៉ង់រូបនេះ បានបង្ហោះវីដេអូមួយសមរម្យមួយ ដោយបំភ័យភ្ញៀវទេសចរមិនឲ្យមកលេងប្រទេសកម្ពុជា ដែលវីដេអូនោះធ្វើឲ្យប៉ះពាល់ដល់កិត្តិយស និងមុខមាត់របស់ប្រទេសកម្ពុជាយ៉ាងខ្លាំង។

គួរបញ្ជាក់ផងដែរថា កាលពីថ្ងៃទី១៤ ខែសីហា ឆ្នាំ២០១៩ កន្លងទៅ មបុរសជនជាតិអ៊ីរ៉ង់ខាងលើបានបង្ហោះវីដេអូមួយនៅក្នុង Youtube របស់ខ្លួនជាមួយចំណងជើងថា “Why you should not visit Cambodia” ដោយជនបរទេសរូបនោះបានរិះគន់ ចំពោះបញ្ហាបរិស្ថាននៅទីក្រុងភ្នំពេញ និងនិយាយថាគ្មានកន្លែងឲ្យខ្លួនស្វែងរកសេវាផ្លូវភេទដូចនៅប្រទេសថៃ ហើយវីដេអូនោះធ្វើឲ្យបងប្អូនប្រជាពលរដ្ឋខ្មែរមានការរិះគន់ជាខ្លាំង៕