នៅពេលគម្រោងទទួលបានជោគជ័យ នោះ Aurora Station អាចជាសណ្ឋាគារដំបូងបង្អស់ និងមានតែមួយលើពិភពលោកដែលមានទីតាំងនៅលើអាកាស ហើយមនុស្សអាចស្នាក់នៅទីនោះបាន។ ដោយឡែក សណ្ឋាគារប្រណិតនេះ ត្រូវបានសាងសង់ឡើងនៅលើកម្ពស់ជាង 200ម៉ាយឯណោះពីផែនដី ហើយនេះពិតជារឿងដ៏អស្ចារ្យបំផុតមួយ។

Orion Span, Inc. គឺជាក្រុមហ៊ុនធំមួយដែលមានទីតាំងនៅឯទីក្រុង Houston ហើយក៏ជាម្ចាស់នៃគម្រោងនេះដែរ។ មិនតែប៉ុណ្ណោះ ក្រុមហ៊ុននេះបានលើកឡើងថា ក្នុងឆ្នាំ2021 សណ្ឋាគារ Aurora Station នឹងបើកឲ្យដំណើរការ ហើយទទួលភ្ញៀវឲ្យស្នាក់នៅចាប់ពីពេលនោះតទៅ។

អ្វីដែលអស្ចារ្យបំផុតនោះគឺ ភ្ញៀវដែលទៅស្នាក់នៅទីនោះនឹងត្រូវបានដាក់បញ្ចូលក្នុងដំណើរកំសាន្តរយៈពេល 12ថ្ងៃលើលំហអាកាស ហើយភ្ញៀវទាំងអស់នឹងបានឃើញទេសភាពដ៏ស្រស់ស្អាតមិនគួរឲ្យជឿ និងមិនធ្លាប់បានឃើញពីមុនមក។ លើសពីនេះទៅទៀត Aurora Station នឹងធ្វើដំណើរតាមគន្លងរាល់ 90នាទីម្ដង ដូចនេះអ្នកស្នាក់នៅទាំងអស់នឹងអាចមើលថ្ងៃលិច ថ្ងៃរះរហូតដល់ទៅ 16ដងឯណោះក្នុងមួយថ្ងៃ។

អាចនិយាយបានថា ការផ្ដល់ជូនពិសេសនេះ គឺពិតជាអស្ចារ្យ និងមិនធ្លាប់មានពីមុនមក។ ដោយឡែក ស្របពេលជាមួយគ្នានេះ តម្លៃនៃការស្នាក់នៅពិតជាមិនធម្មតាឡើយ គឺរហូតដល់ទៅ 9.5លានដុល្លារឯណោះ ដែលមានន័យថា $791,666 ក្នុងមួយយប់។

Fu

ប្រភព៖ idropnews