ឯកឧត្តម អ្នកឧកញ៉ា សៀង ណាំ ទទួលគ្រឿងឥស្សរិយយសពីប្រទេសជប៉ុន

សៀមរាប៖ កាលពីថ្ងៃទី១៣ ខែមករា ឆ្នាំ២០១៩ ឯកអគ្គរាជទូត​ជប៉ុន ប្រចាំ​កម្ពុជា​ ឯកឧត្តម មិកាមិ ម៉ាសាហ៊ីរ៉ូ បានបំពាក់គ្រឿងឥស្សរិយយសរបស់ជប៉ុន “The Order of the Rising Sun, Gold Rays with Neck Ribbon” ជូនឯកឧត្តម អ្នកឧកញ៉ា សៀង ណាំ សមាជិកសភាជាតិកម្ពុជា ដើម្បីទទួលស្គាល់ការចូលរួមចំណែកដ៏វិសេសវិសាស ក្នុងការរឹតចំនងមិត្តភាពរវាង ជប៉ុននិងកម្ពុជា។

ពិធីនេះមានការចូលរួមពីសំណាក់ ឯកឧត្តម ហ៊ុន ម៉ានី ប្រធានគណៈកម្មការទី៧នៃរដ្ឋសភា ព្រមទាំង ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប ឯកអគ្គរាជទូត​ជប៉ុន ប្រចាំ​កម្ពុជា​ ឯកឧត្តម មិកាមិ ម៉ាសាហ៊ីរ៉ូ ឯកឧត្តម NAKANE សមាជិករដ្ឋសភា និងជាអតីតអនុរដ្ឋមន្ត្រីការបរទេស និងភ្ញៀវកិត្តិយសជាតិ និងអន្តរជាតិ ប្រមាណជាង២០០នាក់៕