លោកឧកញ៉ាវេជ្ជបណ្ឌិត គួច ម៉េងលី ប្រាប់ថាប្រើម៉ាស់ប្រភេទនេះគឺគ្រប់គ្រាន់ហើយ យើងមិនចាំបាច់ក្បាច់ក្បួរពេកទេ ហើយលោកក៏បានចែករំលែកគន្លឹះដើម្បីបង្ការការរីករាលដាលនៃវីរុស Coronavirus
ខណៈដែលជំងឺផ្លូវដង្ហើមកូរ៉ូណា (Corona) កំពុងតែរាតត្បាតស្ទើរតែជុំវិញពិភពលោក ហើយកម្ពុជាក៏បាន រកឃើញករណីជំងឺផ្លូវដង្ហើម កូរ៉ូណាវីរុសនៅលើជនជាតិចិនម្នាក់ នៅកំពង់សោម និង នៅ ៣ នាក់ទៀតកំពុងដាក់ក្នុងបន្ទប់តាមដាន ប្រជាពលរដ្ឋជាច្រើនមានភាពភ័យខ្លាច ដោយនាំគ្នាការពារខ្លួនពីការឆ្លងជម្ងឺ។
ក្នុងនោះផងដែរថ្មីៗនេះ លោកឧកញ៉ា វេជ្ជបណ្ឌិត គួច ម៉េងលី ក៏បានបញ្ចេញវីដេអូប្រមាណជា៤២នាទី ពន្យល់បងប្អូនអំពីគន្លឹះជាច្រើនដើម្បីការពារខ្លួនពីការឆ្លង វីរុសកូរ៉ូណា ដែលកំពុងរីករាលដាលនាពេលបច្ចុប្បន្ននេះ។ ដោយលោកឧកញ៉ា វេជ្ជបណ្ឌិត គួច ម៉េងលី បានណែនាំឲ្យបងប្អូនកុំភិតភ័យ ហើយស្តាប់តាមការណែនាំរបស់ក្រសួងសុខាភិបាល រក្សាអនាម័យឲ្យបានខ្ជាប់ខ្ជួន ដោយបានបង្ហាញរបៀបពាក់ម៉ាស និងឧស្សាហ៍ផ្លាស់ប្តូរពាក់ម៉ាសថ្មីជានិច្ច ព្រមទាំងលាងដៃឲ្យបានញឹកញាប់។ ចង់ជ្រាបច្បាស់សូមទស្សនាវីដេអូនៅខាងក្រោម៖
ប្រភពវិដេអូ ៖ MJQTV
