មន្ទីរសុខាភិបាលខេត្ត​កោះកុង បដិសេធព័ត៌មានដែលផ្សាយថា រកឃើញអ្នកឆ្លងជំងឺកូរ៉ូណា២នាក់ទៀត នៅខេត្តកោះកុង

មន្ទីរសុខាភិបាលខេត្ត​កោះកុង បានបដិសេធនូវការចុះផ្សាយព័ត៌មាននៅព្រឹកថ្ងៃទី២៩ ខែមករា ដែលថាមានករណីសង្ស័យជនជាតិចិនចំនួន០២នាក់មានជំងឺឆ្លងវីរុសកូរ៉ូណា ។ ដោយមន្ទីរសុខាភិបាលខេត្ត​កោះកុង បានបដិសេធយ៉ាងដូច្នេះថា​​៖

“មន្ទីរសុខាភិបាលខេត្ត​កោះកុងសូមធ្វើការឆ្លើយតប ចំពោះសារព័ត៌មានថា មកដល់ថ្ងៃទី២៩ ខែ មករា ឆ្នាំ២០២០ នេះមិនមានរកឃើញអ្នកឆ្លងមេរោគកូរ៉ូណាវីរុស ២នាក់ ក្នុងខេត្តកោះកុងដូចដែលសារព័ត៌មានបានចុះនោះទេ សូមសារព័ត៌មាននេះ ធ្វើការកែសម្រួល និងលុបចេញជាបន្ទាន់ ព្រោះវាជារឿងមិនពិត ធ្វើអោយមានការយល់ច្រឡំយ៉ាងខ្លាំង”៕