បងប្អូនដែលប្រកបមុខរបរនេះសូមមានការប្រុងប្រយ័ត្ន! កំពុងលាងម៉ូតូ​សុខៗស្រាប់តែផ្ទុះបំពង់ខ្យល់ បណ្តាលឲ្យរងរបួសជាទម្ងន់

ខេត្តកំពង់ឆ្នាំង៖ សូមបងប្អូនដែលប្រកបមុខរបរនេះសូមមានការប្រុងប្រយ័ត្ន ដោយមានករណីផ្ទុះបំពង់ខ្យល់ខណៈដែលជនរងគ្រោះកំពុងលាងម៉ូតូ។ ហេតុការណ៍នេះបានកើតឡើងកាលពីព្រឹកថ្ងៃទី២៩ ខែមករា​ ឆ្នាំ២០២០​ វេលាម៉ោង១១​ និង៥០នាទី​ ជនរងគ្រោះមានឈ្មោះ មាន គឹមអ៊ន អាយុ៣៨ឆ្នាំ រស់នៅភូមិពាមឆ្កោក ឃុំពាមឆ្កោក ស្រុកជលគីរី ខេត្តកំពង់ឆ្នាំង​។

ដោយគ្រោះថ្នាក់ខាងលេីនេះធ្វើឲ្យជនរងគ្រោះរងរបួសត្រង់កជើង០១កន្លែង របួសកំភួនជើង០១កន្លែង និងរបួសកដៃស្តាំ០១កន្លែង។ មុនពេលកើតហេតុគេឃើញជនរងគ្រោះកំពុងលាងម៉ូតូ​ និងបញ្ចូលខ្យល់ទៅបំពង់ខ្យល់ ស្រាប់តែផ្ទុះបំពង់ខ្យល់នោះតែម្តង។​ យ៉ាងណាមិញជនរងគ្រោះក៏ត្រូវបានដឹកយកទៅព្យាបាលនៅមន្ទីរខេត្តកំពង់ឆ្នាំង​ ៕

ប្រភព៖ ស្នងការដ្ឋាននគរបាលខេត្តកំពង់ឆ្នាំង