មន្ត្រីអះអាងថា ផ្នែកពេទ្យនឹងចុះទៅយកសំណាកនៅលើនាវាទេសចរណ៍យកទៅត្រួតពិនិត្យសិន មុននឹងអនុញ្ញាតអោយមនុស្សនៅលើនាវាឡើងមកលើផែ ដើម្បីធានាថា មិនមានអ្នកណាម្នាក់ឆ្លងមេរោគ

ខេត្តព្រះសីហនុ៖ នាវា​ខ្នាត​យក្ស​លំដាប់អន្តរជាតិ ដែលមានផ្ទុកភ្ញៀវទេសចរ​ និង​នាវិក​សរុបជាង​ ២០០០​ នាក់​ បានកំពុងតែរំកិលខ្លួនចូលចតនៅកំពង់ផែ​ ខេត្ត​ព្រះ​សីហនុ​ហើយ តាមការអះអាងពីមន្ត្រីបានឲ្យដឹងថា ផ្នែកពេទ្យក៍បានចុះទៅយកសំណាកនៅលើនាវាទេសចរណ៍ Westerdam ដើម្បីត្រួតពិនិត្យយ៉ាងយកចិត្តទុកដាក់នៅលើនាវាជាមុនសិន មុននឹងអនុញ្ញាតអោយមនុស្សនៅលើនាវា ឡើងមកលើផែ ដើម្បីធានាថា មិនមានអ្នកណាម្នាក់ឆ្លងមេរោគ។

សូមរំលឹកថានាវាទេសចរណ៍ខ្នាតយក្សរបស់សហរដ្ឋអាមេរិកមួយគ្រឿងឈ្មោះ Westerdam ដែលផ្ទុកមនុស្សជាង២២០០នាក់ ចូលសំចតនៅកំពង់ផែ ខេត្តព្រះសីហនុ នៅព្រឹកទី១៣ ខែកុម្ភៈ ក្រោយពីប្រទេសនិងកោះសរុបចំនួន៦ បដិសេធមិនឲ្យនាវាដ៏ធំមួយនេះចូលចត ដោយសារភ័យខ្លាចអ្នកដំណើរមានផ្ទុកវីរុសកូរ៉ូណាថ្មី៕

​ប្រភព៖ លោក ហ៊ុយ ប៊ុនឡេង