ចង់ចូលរួមថែរក្សា និងការពារអនាម័យ តាមបណ្ដាឆ្នេរសមុទ្រក្រុងព្រះសីហនុទេ? ពេលនេះមានការជ្រើសរើសអ្នកស្ម័គ្រចិត្តចំនួន២០រូប

ខណៈដែលឆ្នេរសមុទ្រនៅក្រុងព្រះសីហនុ ត្រូវបានរៀបចំជាឆ្នេរសមុទ្រសាធារណៈ និងជាសម្បត្តិរួម របស់ប្រជាពលរដ្ឋខ្មែរទូទៅ ក៏ដូចជាភ្ញៀវទេសចរ ជាតិ និងអន្តរជាតិអាចមកកំសាន្តដោយសេរី។ ថ្មីៗនេះក្រុមការងារផេក ប្រជាជន ខេត្តព្រះសីហនុ ប្រកាសជ្រើសរើសអ្នកស្ម័គ្រចិត្តចំនួន២០រូប ដើម្បីចូលរួមរក្សា និងការពារអនាម័យ លើកកម្ពស់សោភ័ណភាពតាមបណ្ដាឆ្នេរសមុទ្រក្រុងព្រះសីហនុ។

ដោយ លក្ខខណ្ឌជ្រើសរើស ៖ ១. ជាអ្នករស់នៅក្រុងព្រះសីហនុ ខេត្តព្រះសីហនុ, ២.មានអាយុចាប់ពី ១៦ឆ្នាំឡើងទៅ មិនប្រកាន់ភេទ, ៣.មានឆន្ទះ និងស្មារតី ក្នុងការចូលរួមការងារជាក្រុម និង ៤.ជាអ្នកស្រឡាញ់បរិស្ថាន និងការងារសង្គម៕