សង្ក្រាន្ត ប៊ូសស្ត្រង កំពង់ឆ្នាំងមានអ្នកចួលរួមច្រើនរហូតហៀរលេងតាមផ្លូវទៀត
ភាពសប្បាយរីករាយហ៊ោកញ្ច្រៀវពេញទីរួមខេត្តកំពង់ឆ្នាំងនៅមុខសាលាខេត្តផ្ទាល់ ត្រូវបានណែនណាន់តាន់តាប់កាន់តែច្រើនឡើងៗ គឺដោយសារតែបងប្អូនប្រជាពលរដ្ឋទាំងជិតទាំងឆ្ងាយនាំគ្នាសម្រុកចូលមកលេងសង្ក្រាន្ត ប៊ូសស្ត្រង កំពង់ឆ្នាំងយើងឆ្នាំនេះ។ គ្រាន់តែកម្មវិធីចាប់ផ្ដើមភ្លាម ស្រាប់តែយុវវ័យជាច្រើនបាននាំគ្នាសម្រុកចូលទីធ្លាសម្រាប់រាំងលេងកំសាន្តដូចទឹកបាក់ទំនប់រហូតហ៊ាមកលេងតាមផ្លូវទៀតផង ធ្វើឲ្យកម្មវិធីទាំងមួលពោពេញទៅដោយភាពអ៊ូអរណែនណាន់តានតាប់សប្បាយរីករាយ ហើយម្នាក់ៗក៏រំលេចទឹកមុខញញឹមញញែមគួរជាទីភាតរភាពទៅវិញទៅមក។ ទោះបីជាអាកាសធាតុនៅរាងក្ដៅបន្តិចតែគ្រប់គ្នានៅតែសប្បាយឥតឧបមារហូតដល់មានការបាញ់ទឹកធ្វើជាដំណក់ភ្លៀងសិប្បនិម្មិតបង្កបានជាភាពត្រជាក់ត្រជុំគ្រប់ៗគ្នា។
ម៉្យាងវិញទៀតចំពោះសុខសុវត្តិភាពបងប្អូនប្រជាពលរដ្ឋដែលបានមកចូលរួមក្នុងកម្មវិធីសង្ក្រាន្តយើងវិញគឺ ត្រូវបានរក្សាបានយ៉ាងល្អបំផុតពីសំណាក់បងៗមន្ត្រីដែលពាក់ពាន់ទាំងអស់។ នេះជាជោគជ័យមួយនិងជាមុខមាត់មួយសម្រាប់ខេត្តកំពង់ឆ្នាំងទាំងមូលសម្រាប់ឆ្នាំថ្មីនេះ។
