តារាចម្រៀង មាស សុខសោភា ជាតារាចម្រៀងជើងចាស់មួយរូបដែលទទួលបានការគាំទ្រខ្លាំង ចាប់តាំងពីបោះជំហ៊ានប្រឡូកក្នុងវិស័យសិល្បៈមកម្លេះ ដោយសារតែទឹកដមសំឡេងរបស់អ្នកនាង ត្រូវទាំងបទមនោសញ្ចេតនា និងបទញាក់កន្ត្រាក់អារម្មណ៍។

ចាប់តាំងពីប្រឡូកចូលក្នុងរង្វង់សិល្បៈមួយនេះ អ្នកនាង មាស សុខសោភា ត្រូវបានហ្វេនៗស្គាល់ថាតារាចម្រៀងនេះ មិនសូវលេខ្លួន ជាមួយស្ទាយ៍សម្លៀកបំពាក់ ឬការលេងម៉ូតសក់ប៉ុន្មានទេ។ ដោយឡែកពេលនេះ មាស សុខសោភា បានធ្វើឲ្យអ្នកគាំទ្ររបស់នាងប្លែកភ្នែកជាមួយស្ទាយ៍សក់ក្រងរបស់នាង យ៉ាងខ្យូតគួរឲ្យស្រលាញ់។ អ្នកគាំទ្ររបស់នាងជាច្រើនក៏បានបង្ហាញការពេញចិត្តជាមួយនឹងស្ទាយ៍សក់របស់អាយដល ថាពិតជាម៉ូតសក់ប្លែក ហើយស្អាត ក្នុងឆ្នាំ២០២០ នេះមែន។

គួររំលឹកផងដែរថា តារាចម្រៀងមួយដួងនេះ ជាកាលពីថ្ងៃទី ២៤ ខែ វិច្ឆិកា ឆ្នាំ ២០១៩ កន្លងទៅនេះ អ្នកនាងមាស សុខសោភា ត្រូវបានជ្រើសរើសជាតំណាងប្រទេសកម្ពុជា ក្នុងការចូលរួមព្រឹត្តិការណ៍«អាស៊ាន Fantasia » នៅកូរ៉េខាងត្បូង ដោយមានការចូលរួមពីតំណាក់តារា KPOP ជាច្រើន៕