ស្រីស្អាតរូបស្រស់ ត្រូវសមត្ថកិច្ចឃាត់ខ្លួន ពាក់ព័ន្ធនឹងករណីប្រើប្រាស់ និងជួញដូរគ្រឿងញៀន

រាជធានីភ្នំពេញ៖ នារីរូបស្រស់​សោភា​ម្នាក់​ បង្ក្រាបពាក់ព័ន្ធនឹងករណីប្រេីប្រាស់ និងជួញដូរសារធាតុញៀនយ៉ាងសកម្ម នៅបន្ទប់ជួលមួយកន្លែង​ ត្រូវបានកម្លាំងនគរបាលខណ្ឌពោធិ៍សែនជ័យ​ ឡោមព័ទ្ធ​ចាប់ឃាត់ខ្លួន​បានហេីយ​ និងដកហូតវត្ថុតាង​ ថ្នាំញៀនមួយចំនួនធំបញ្ជូនទៅសាកសួរ​ភ្លាមៗផងដែរ។

បេីតាមសម្ដី​មន្ត្រីនគរបាលខណ្ឌពោធិ៍សែនជ័យបានអោយដឹងថា​ ជនសង្ស័យជូញដូរគ្រឿងត្រូវបានកម្លាំងនគរបាលខណ្ឌពោធិ៍សែនជ័យក្រោម ការចង្អុលបង្ហាញពីលោកវរសេនីយ៍ទោ ម៉ន វុធី អធិការ នៃអធិការដ្ឋាននគរបាលខណ្ឌពោធិ៍សែនជ័យ លោកវរសេនីយ៍ត្រី ភួង បូណា អធិការរងនៃ អធិការខណ្ឌ សហការជាមួយមន្រ្តីក្រោមឱវាទចុះ ប្រតិបត្តិការបង្ក្រាបពាក់ព័ន្ធនឹងករណីប្រេីប្រាស់ និងជួញដូរសារធាតុញៀនយ៉ាងសកម្មកាលពីវេលាម៉ោង១៥៖០០នាទីរសៀល ថ្ងៃចន្ទ ២កេីត ខែផល្គុន ឆ្នាំកុរ ឯកស័ក ពស២៥៦៣ ត្រូវនឹងថ្ងៃទី២៤ ខែកុម្ភៈ ឆ្នាំ២០២០ ស្ថិតនៅបន្ទប់ជួលលេខ ៧ក្រុម ១B ភូមិតាងួនទី២ សង្កាត់កាកាបទី១ ខណ្ឌ ពោធិ៍សែនជ័យ ។

ជនសង្ស័យមានឈ្មោះ នុត ធារ៉ា ភេទស្រី អាយុ២១ឆ្នាំ មុខរបរមិនពិតប្រាកដ ស្នាក់នៅបន្ទប់ជួលលេខ៧ ក្រុម ១B ភូមិតាងួនទី២ សង្កាត់ កាកាបទី១ ខណ្ឌពោធិ៍សែនជ័យ មានស្រុកកំណើតនៅភូមិអំពិលទឹក ឃុំកំពង់ភ្នំ ស្រុកលេីកដែក ខេត្តកណ្ដាល ។

សំភារៈដកហូត ៖ ម្សៅសក្រាមថ្លាសង្ស័យជា សាធាតុញៀន សរុបចំនួន ៦កញ្ចប់ ស្មើនឹង ២ធំល្មម និង ៤កញ្ចប់តូច ។ បច្ចុប្បន្នជនសង្ស័យកំពុងឃុំខ្លួនបណ្ដោះអាសន្ននៅអធិការខណ្ឌពោធិ៍សែនជ័យ ដេីម្បីកសាងសំណុំរឿងបញ្ជូនទៅកាន់តុលាការចាត់ការបន្តតាម ផ្លូវច្បាប់ ៕

អត្ថបទ៖ បងម៉េង