ដឹងមូលហេតុ ដែលជនជាតិចិនដេកស្លាប់នៅក្រុងព្រះសីហនុហើយ

ខេត្តព្រះសីហនុ៖ ករណីជនជាតិចិនម្នាក់ដេកស្លាប់នៅជិតរង្វង់មូលមច្ឆាក្នុងបុរីគុជអាសុី ស្ថិតនៅភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ ត្រូវបានសមត្ថកិច្ចជំនាញបញ្ជាក់ថា ស្លាប់ដោយសារតែគាំងបេះដូង នេះបើយោងតាមការបង្ហោះរបស់ រដ្ឋបាលខេត្តព្រះសីហនុ។

ជនជាតិចិនដែលស្លាប់នេះមានឈ្មោះ (Niu Shuangsuo) ភេទប្រុស អាយុ៥១ឆ្នាំ មានទីកន្លែងកំណេីតខេត្តកានស៊ូ សាធារណរដ្ឋប្រជាមានិតចិន។ យោងតាមរបាយការណ៍របស់សមត្ថកិច្ចជំនាញបញ្ជាក់ ថាបុរសជនជាតិចិនខាងលើស្លាប់ដោយសារគាំងបេះដូង ដោយមិនមានតំរុយនៃបទល្មើសព្រហ្មទណ្ឌនោះទេ៕