ភាពយន្តឯកសារថ្មីរបស់លោក ប៉ាន់ រិទ្ធី ក្រោមចំណងជើងថា Irradiated បានឈ្នះពានរង្វាន់ Berlinale Documentary Award នៃមហោស្រពភាពយន្តអន្តរជាតិ Berlin លើកទី ៧០ កាលពីថ្ងៃទី២៩ ខែកុម្ភៈ ឆ្នាំ២០២០ នៅឯទីក្រុងប៊ែរឡាំង ប្រទេសអាល្លឺម៉ង់។ ដោយទទួលរង្វាន់ជាទឹកប្រាក់៤ម៉ឺនអឺរ៉ូ (ប្រមាណជាជាង៤ម៉ឺនដុល្លារអាមេរិក) និងការគាំទ្រពីប្រព័ន្ធផ្សព្វផ្សាយសាធារណៈ Rundfunk Berlin-Brandenburg (rbb)។

ដោយភាពយន្តឯកសារ “Irradiated” ជាភាពយន្តបង្ហាញអំពីជនដែលរួចរស់ជីវិតពីភ្លើងសង្គ្រាម។ ភាពយន្តឯកសារនេះមានរយៈពេល ៨៨នាទី ជាភាសាបារាំង និងអក្សររត់ក្រោមជាភាសាអង់គ្លេស បញ្ជូលគ្នាបង្ហាញរូបអេក្រង់ចំនួន៣ ក្នុងពេលតែមួយ។ យោងតាមការចុះផ្សាយរបស់សារព័ត៌មាន RFI បានឲ្យដឹងថាភាពយន្តឯកសារ “Irradiated” និយាយពីការឈឺចាប់ ការតស៊ូរស់ របស់អ្នកដែលធ្លាប់រងគ្រោះដោយផ្ទាល់ ដោយសារការទម្លាក់គ្រាប់បែកបរិមាណូនៅ​ហ៊ីរ៉ូស្ហ៊ីម៉ា សង្រ្គាមប្រល័យពូជសាសន៍ ជាដើម៕

វីដេអូពី cineuropa

រូបភាព៖ Kongkea Vann