ស្ថានទូតកម្ពុជាប្រចាំប្រទេសថៃ ណែនាំឲ្យបងប្អូនពលករ សិស្ស និស្សិត និងអាជីវករ នៅប្រទេសថៃ បើមិនចាំបាច់កុំចាកចេញពីប្រទេសថៃ ក្នុងឱកាសចូលឆ្នាំខ្មែរខាងមុខ ដើម្បីបង្ការ និងទប់ស្កាត់ការរាលដាលនៃវីរុសកូវីដ១៩

ខណៈវីរុសកូវីដ១៩កំពុងតែរីករាលដាលទៅកាន់ប្រទេស និងដែនដីជាង១៥០ទូទាំងពិភពលោកនោះ ស្ថានទូតកម្ពុជាប្រចាំប្រទេសថៃ បានធ្វើការណែនាំ​ឲ្យបងប្អូនពលករ សិស្ស និស្សិត និងអាជីវករ ដែលកំពុងសិក្សា ធ្វើការ និងរស់នៅក្នុងប្រទេសថៃ មេត្តាចូលរួមសហការ​ បេីមិនចាំបាច់សុំសូមកុំចាកចេញពីប្រទេសថៃ​ នៅក្នុងឱកាសនៃពិធីបុណ្យចូលឆ្នាំខ្មែរខាងមុខ​ ដេីម្បីចូលរួមទប់ស្កាត់​ខូវិដ​ ១៩​។

គិតត្រឹមថ្ងៃទី១៦ ខែមីនា ឆ្នាំ២០២០ អ្នកឆ្លងវីរុសកូដ១៩នៅកម្ពុជាមានចំនួន១២នាក់ និងនៅប្រទេសថៃមានចំនួនន១៤៧នាក់។ ប្រសិនបើបងប្អូនខ្មែរនៅប្រទេសថៃមានរោគសញ្ញាផ្លូវដង្ហើមដូចជា ក្អក ឈឺបំពង់ក ហៀរសំបោរ ដកដង្ហើមថប់ណែន ហើយមានគ្រុនក្តៅខ្លាំង សូមមេត្តាទំនាក់ទំនងទៅនាយកដ្ឋានទប់ស្កាត់ជំងឺឆ្លងនៃក្រសួងសុខាភិបាលថៃ តាមរយៈលេខ ០២-៥៩០-៣០០០ ឬ Hotline ១៤២២ ជាបន្ទាន់ និងអាចទំនាក់ទំនងមកកាន់ស្ថានទូតតាមរយៈទូរស័ព្ទលេខ ០៩២-៨០៥ ០៥៦១ ឬ ០៩៥ ០៩២ ៥៩០៥៕

អត្ថបទ៖ សេម