សម្តេចតេជោ ហ៊ុន សែន បានថ្លែងអំណរគុណដល់លោកឧកញ៉ា ពុង ឃាវសែ ដែលបានឧបត្ថម្ភថវិកា៥០ម៉ឺនដុល្លារ ដើម្បីទប់ស្កាត់វីរុសកូវីដ១៩

រាជធានីភ្នំពេញ៖ នៅថ្ងៃទី២០ ខែមីនា ឆ្នាំ២០២០ សម្តេចតេជោ ហ៊ុន សែន បានផ្ញើសារលិខិតថ្លែងអំណរគុណយ៉ាងជ្រាលជ្រៅ ដល់លោកឧកញ៉ា ពុង ឃាវសែ និងលោកជំទាវ ដែលបានផ្តល់វិភាគទានជាមួយរាជរដ្ឋាភិបាលជាថវិកាចំនួន៥០ម៉ឺនដុល្លារអាមេរិកដល់រាជរដ្ឋាភិបាល សម្រាប់ទប់ទល់នឹងសភាពការណ៍គ្រោះភ័យ និងទប់ស្កាត់ការរីករាលដាលវីរុសកូវីដ១៩។

គួរបញ្ជាក់ផងដែរថា គិតត្រឹមថ្ងៃទី១៩ ខែមីនា ឆ្នាំ២០២០ ក្រសួងសុខាភិបាលបានរកឃើញអ្នកមានវិជ្ជមានវីរុសកូវីដ១៩សរុបទូទាំងប្រទេសចំនួន៤៧ករណីហើយ៕

អត្ថបទ៖ សេម