សម្តេចតេជោ៖ យើងក្រ តែខ្មែរមានគុណធម៌ បរទេសកើតកូវីដ១៩លើទឹកដីយើង យើងចេញលុយព្យាបាលឲ្យ នយោបាយនេះគឺប្លែកពីប្រទេសវៀតណាម

នៅព្រឹកថ្ងៃពុធ ទី២៥ ខែមីនា ឆ្នាំ២០២០ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញជួបសំណេះសំណាល ជាមួយក្រុមគ្រូពេទ្យសម្តេចតេជោ ប្រឆាំង កូវីដ-១៩ ដែលនេះជាការផ្សាយផ្ទាល់ពិសេសមួយរបស់សម្តេចតេជោ។ ក្នុងនោះផងដែរសម្តេចតេជោ បាន​ប្រកាស​ថា៖ ​ យើងក្រ តែយើង​មានគុណធម៌ អ្នក​ណា​កើត​ជំងឺ​លើទឹក​ដី​យើង យើង​ចេញ​លុយ​ព្យាបាល​អោយ ​ព្យា​បាល​ពី​គ្រូពេទ្យកម្ពុជា​ដោយ​មិន​គិតថ្លៃ នយោបាយនេះគឺប្លែកពីប្រទេសវៀតណាម បរទេសណាដែលមាន COVID-19 នៅក្នុងប្រទេសវៀតណាម គឺចេញថ្លៃព្យាបាលខ្លួនឯង៕