រកឃើញនារីជនជាតិខ្មែរ អាយុ២០ឆ្នាំ នៅសង្កាត់អូរឬស្សី១ ខណ្ឌ៧មករា មានវិជ្ជមានវីរុសកូវីដ ១៩

យោងតាមសេចក្តីប្រកាសរបស់ក្រសួងសុខាភិបាលចុះផ្សាយនៅព្រឹកថ្ងៃទី៣០ ខែមីនា ឆ្នាំ២០២០មុននេះបន្តិច បានអោយដឹងថា ក្រសួងសុខាភិបាលកម្ពុជាបានរកឃើញវិជ្ជមានកូវីដ-១៩ ចំនួន០៤ករណីទៀត ដោយក្នុងនោះមានជនជាតិបរទេស០១នាក់ និងជនជាតិខ្មែរ០៣នាក់ ដែលសរុបប្រទេសកម្ពុជាកើនអ្នកផ្ទុកមេរោគកូវីដដល់ទៅ ១០៧ករណីទូទាំងប្រទេស។

ក្នុងនោះផងដែរក្រសួងសុខាភិបាល បានប្រកាសថា រកឃើញស្ត្រីជនជាតិខ្មែរអាយុ ២០ឆ្នាំ នៅសង្កាត់អូរឬស្សី១ ខណ្ឌ៧មករា រាជធានីភ្នំពេញ មានវិជ្ជមានវីរុសកូវីដ ១៩ កំពុងសម្រាកព្យាបាលនៅមន្ទីរពេទ្យមិត្តភាពខ្មែរ សូវៀត។ ស្រ្តីរូបនោះ ជានិស្សិតខ្មែរ ដែលបានវិលត្រលប់មកពីប្រទេសអង់គ្លេស មកដល់កម្ពុជានៅថ្ងៃ២៨ ខែមីនា ឆ្នាំ ២០២០៕