ព្រឹកនេះកម្ពុជា រកឃើញវិជ្ជមានកូវីដ-១៩ថ្មីមួយករណីទៀត លើបុរសខ្មែរ សញ្ជាតិអាមេរិកកាំង

ព្រឹកនេះក្រសួងសុខាភិបាលបានប្រកាសឲ្យដឹងពីករណីវិជ្ជមានកូវីដ១៩ ថ្មីម្នាក់ទៀត លើបុរសខ្មែរ សញ្ជាតិអាមេរិកកាំង អាយុ ៦៦ឆ្នាំ (រស់នៅសហរដ្ឋអាមេរិក) មានអាស័យដ្ឋានស្នាក់នៅភូមិដំណាក់ប្រា សង្កាត់ស្ទឹងមានជ័យ ខណ្ឌមានជ័យរាជធានីភ្នំពេញ ដែលធ្វើដំណើរមកពីសហរដ្ឋអាមេរិក មកដល់កម្ពុជា កាលពីថ្ងៃទី២១ មិថុនា ឆ្នាំ២០២០ និងទទួលបានលទ្ធផលធ្វើតេស្តវិជ្ជមាន។

គួរបញ្ជាក់ផងដែរថា នេះជាករណីនាំចូល ហើយបុរសខាងលើត្រូវបានដាក់ឲ្យសម្រាកព្យាបាលនីមន្ទីរពេទ្យមិត្តភាពខ្មែរសូវៀត ដែលមានការយកចិត្តទុកដាក់ពីសំណាកក្រុមគ្រូពេទ្យកម្ពុជា ចំណែកឯអ្នកដំណើរដែលធ្វើដំណើររួមគ្នាចំនួន១១២នាក់ផ្សេងទៀត ត្រូវបានដាក់អោយធ្វើចត្តាឡីស័ក នៅមណ្ឌលចត្តាឡីស័កជម្ពូវ័ន១៕