ជនជាតិចិនបើករថយន្ត ALPHARD លឿនដូចហោះ ជ្រុលបុកគូទរថយន្ត Ford យ៉ាងពេញទំហឹង បណ្ដាលឲ្យរបួសបែកក្បាល ២នាក់

រាជធានីភ្នំពេញ៖ ជនជាតិចិនម្នាក់បើករថយន្តមួយគ្រឿងម៉ាក ALPHARD ពណ៌ស បើកបរមកដល់ផ្លូវបែកជាបួនក្នុងល្បឿនយ៉ាងលឿន មិនបានប្រយ័ត្នក៏ជ្រុលទៅបុកគូទរថយន្ត Ford មួយបាំងកន្លះ បណ្តាលឲ្យខ្ទាតបោកផ្ទប់នឹងបង្គោលភ្លើងដែក រងការខូចខាតយ៉ាងដំណំ និងបណ្ដាលឲ្យមនុស្សប្រុសស្រីរបួសបែកក្បាល ២នាក់ ។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង០០:៣០នាទីរំលងអធាត្រ ឈានចូលថ្ងៃទី២៥ ខែមិថុនា ឆ្នាំ២០២០ នៅចំណុចផ្លូវបែកជាបួន លេីផ្លូវ១៨២ កែងផ្លូវ១០៧ ខាងកេីតផ្សារអូរឬស្សីប្រហែល៣០០ម៉ែត្រ ស្ថិតនៅក្នុងសង្កាត់បឹងព្រលឹត ខណ្ឌ៧មករា រាជធានីភ្នំពេញ។

តាមប្រភពព័ត៌មានពីម្ចាស់រថយន្ត Ford បានឲ្យដឹងថា មុនពេលកើតហេតុខាងលើនេះ គឺគាត់បើករថយន្តមួយគ្រឿងម៉ាក Ford មួយបាំងកន្លះ ពណ៌ស ពាក់ស្លាកលេខភ្នំពេញ 2BB-3559 បើកបរតាមបណ្តោយផ្លូវ១៨២ ទិសដៅពីលិចទៅកើត ជិះគ្នា ៤នាក់ មិត្តភក្តិហើយគោលបំណងដឹកមិត្តភក្ដិទៅផ្ទះនៅក្បែរនឹងកន្លែងកើតហេតុ ប៉ុន្តែខណៈពេលបើកមកដល់ផ្លូវបំបែកជាបួនមិនបានប្រយ័ត្ននោះទេ ក៏រថយន្ត Ford គាត់បើកទៅត្រង់ ស្រាប់តែមានបុរសម្នាក់ជាជនជាតិចិន មិនស្គាល់អត្តសញ្ញាណនោះទេ បើករថយន្តស៊េរីទំនេីបមួយគ្រឿងម៉ាក ALPHARD ពណ៌ស ពាក់ស្លាកលេខ ភ្នំពេញ 2BB-4396 បើកបរតាមបណ្តោយផ្លូវ១០៧ ក្នុងទិសដៅពីជើងទៅត្បូងបើក ក្នុងល្បឿនយ៉ាងលឿនហើយមក បុកចំគូថរថយន្តម៉ាក Ford មួយបាំងកន្លះ បណ្តាលឲ្យខូចខាតខ្ទេចអស់មួយជំហៀងខាងឆ្វេង ហើយក៏ខ្ទាតទៅបុកផ្ទប់នឹងបង្គោលភ្លើង ហើយចំណែកឯរថយន្តជនជាតិចិនវិញ បុកប្រអប់ភ្លើងបណ្តាលឲ្យដាច់ខូចខាតនឹងខ្ទាចខូចខាតរថយន្តអស់មួយកំណាត់ខាងមុខនឹងធ្លាក់កាងមុខយ៉ាងដំណំ រីឯរថយន្តម៉ាក Ford វិញខូចខាតគូទក្រោយទាំងខាងឆ្វេងនឹងខាងស្តាំ ភ្លាមៗនោះដែរសមត្ថកិច្ចមូលដ្ឋានប៉ុស្តិ៍បឹងព្រលឹតបានមកដល់កន្លែងកើតហេតុ នឹងទំនាក់ទំនងបន្តទៅឲ្យខាងជំនាញចរាចរណ៍ខណ្ឌ៧មករា មកធ្វើការវាស់វែងតាមជំនាញ ។

ក្រោយពេលកើតហេតុ រថយន្តបង្កនឹងរថយន្តរងគ្រោះ ត្រូវបានសមត្ថកិច្ចធ្វើការវាស់វែងយកទៅរក្សាទុក នៅការិយាល័យចរាចរណ៍ផ្លូវគោក ដើម្បីដោះស្រាយតាមនីតិវិធី៕

ប្រភព & អត្ថបទ៖ បងម៉េង ខ្មែរណូត