ចិន បានបង្ហាញអំពីតួលេខសេដ្ឋកិច្ចនៅត្រីមាសទីពីរកើនឡើងត្រឹមតែ ០.៤% ប៉ុណ្ណោះដោយសារការបិទទ្វារប្រទេសក៏ដូចជាអចលនទ្រព្យធ្លាក់ចុះ
- BY
- autoadmin
- July 16, 2022
ការិយាល័យស្ថិតិជាតិរបស់ប្រទេសចិនបានប្រកាសនៅថ្ងៃសុក្រទី១៥ ខែមិថុនាថា សេដ្ឋកិច្ចទាំងមូលរបស់ប្រទេសក្នុងអំឡុងខែមេសាដល់ខែមិថុនាឆ្នាំនេះ បានកើនឡើងត្រឹមតែ ០.៤% បើធៀបនឹងរយៈពេលដូចគ្នាក្នុងឆ្នាំ២០២១។ តួលេខនេះ គឺទាបជាងការស្ទង់មតិរបស់អ្នកវិភាគសេដ្ឋកិច្ចរបស់សារព័ត៌មាន Reuters ដែលបានរកឃើញថានឹងកើនឡើង ១%។ ប្រសិនបើយកតួលេខធៀបនឹងរយៈពេលបីខែដំបូងក្នុងឆ្នាំដដែល បង្ហាញអោយឃើញថាសេដ្ឋកិច្ចរបស់ប្រទេសចិនបានធ្លាក់ចុះ ២.៦%។
ការធ្លាក់ចុះនៃសេដ្ឋកិច្ចរបស់ប្រទេសចិននេះ ត្រូវបានបង្កឡើងដោយសារតែការបិទទ្វារនៅក្នុងទីក្រុងធំៗមួយចំនួន ក្នុងប៉ុន្មានខែថ្មីៗនេះ រួមទាំងទីក្រុងសៀងហៃ ដែលជាមជ្ឈមណ្ឌលសេដ្ឋកិច្ចដ៏សំខាន់បំផុតមួយរបស់ប្រទេសចិន។ ជាមួយគ្នានេះ វាក៏បណ្ដាលមកពី រដ្ឋាភិបាលចិន នៅតែព្យាយាមអនុវត្តគោលនយោបាយ “សូន្យ កូវីដ” ជាពិសេសគឺរលកថ្មីនៃការឆ្លងដែលភ្ជាប់ទៅនឹងប្រភេទរង omicron ប្រភេទ BA.5 ដែលងាយឆ្លងច្រើនជាងប្រភេទមុនៗទ្វេដង។ ទន្ទឹមនឹងនេះ ទីផ្សារអចលនទ្រព្យរបស់ប្រទេសចិនក៏កំពុងប្រឈមនឹងការលំបាកជាច្រើនប្រការផងដែរ៕
អត្ថបទ៖ Bee
ប្រភព៖ sanook
- Share This Post: