ព័ត៌មានជាតិ
ចង់បំផ្លាញដល់ពេលណាទៀត? កូនដំរីព្រៃមួយក្បាល ត្រូវគេឃើញជាប់អន្ទាក់ព្រានព្រៃ មើលហើយគួរឲ្យសង្វេគ
BY Khmernote Media
July 3, 2020
បច្ចុប្បន្នដំរីអាស៊ីកំពុងរងការគំរាមកំហែងពីព្រានព្រៃ និងឈ្មួញខុសច្បាប់មួយចំនួន សត្វដំរីត្រូវបានចាត់បញ្ចូលជាប្រភេទជិតផុតពូជនៅក្នុងបញ្ជីក្រហមរបស់អង្គការសហភាពអន្ដរជាតិដើម្បីការអភិរក្សធម្មជាតិ(IUCN)។ នៅក្នុងប្រទេសកម្ពុជា ដំរីអាស៊ីមានចំនួនប្រមាណពី ៤០០ ទៅ៦០០ក្បាល ដែលភាគច្រើនរស់នៅក្នុងតំបន់ជួរភ្នំក្រវាញ តំបន់ខ្ពង់រាបខាងជើងទន្លេសាប និងតំបន់ខ្ពង់រាបភាគខាងកើតក្នុងខេត្តមណ្ឌលគីរី ដែលជាតំបន់ជីវៈចម្រុះដ៏សំបូរបែប ប្រព័ន្ធអេកូទ្បូស៊ី និងមានទីជម្រាលអំណោយផលដល់ការរស់នៅរបស់សត្វដំរី និងសត្វព្រៃផ្សេងៗទៀត ។
ម្យ៉ាងទៀត គេក៏បានរកឃើញថាកូនដំរីព្រៃកំពុងទទួលរងការគំរាមកំហែងដោយសារការដាក់អន្ទាក់ ដែលសកម្មភាពទាំងនេះធ្វើឱ្យប៉ះពាល់ដល់ការស្តារប្រភេទសត្វនេះឡើងវិញដែរ។ ប្រភព៖Ministry of Environment
