ធ្ងន់ហើយម្តងនេះ! គណៈសង្ឃនាយក ចេញសេចក្តីថ្លែងការណ៍ ថ្កោលទោសនិងរៀបចំនិតិវិធីផ្លូវច្បាប់លើម្ចាស់ Page “Troll យឹម តន” ដែលកាត់តរូបភាព បត្វជិតសង្ឃ ក្នុងលក្ខណៈអាសអាភាសជាមួយស្ត្រីភេទ

យោងទៅលើសេចក្តីថ្លែងការណ៍មួយរបស់គណៈសង្ឃនាយក ដែលចេញផ្សាយនៅមុននេះបន្តិចបានអោយដឹង គណៈសង្ឃនាយកនៃព្រះរាជាណាចក្រកម្ពុជា បានធ្វើការបដិសេធយ៉ាងដាច់អហង្ការ និងថ្កោលទោសចំពោះទង្វើដ៏ស្មោកគ្រោក អសីលធម៌ ទុច្ចរិត និងភាពជាមនុស្ស របស់ម្ចាស់ផេក “Troll យឹម តន” ដែលបានបង្ហោះវិដេអូឃ្លីបផ្សព្វផ្សាយតាមបណ្តាញសង្គមជាបទចម្រៀងលាយឡំដោយការកាត់តរូបភាព បព្វជិតសង្ឃពុទ្ធសាសនា ក្នុងលក្ខណៈអាសអាភាសជាមួយស្ត្រីភេទ។

ក្នុងសេចក្តីថ្លែងការនោះដែរ គណៈសង្ឃនាយកនៃព្រះរាជាណាចក្រកម្ពុជា ក៏បានស្នើទៅដល់ក្រសួងធម្មការ និងសាសនា ព្រមទាំងអាជ្ញាធរមានសមត្ថកិច្ចពាក់ព័ន្ធចាត់វិធានការលើអ្នកគ្រប់គ្រងផេក “Troll យឹម តន” នេះទៅតាមនិតិវិធីច្បាប់ជាធរមានផងដែរ៕