ទិញរានទេវតារួចយកគ្រាប់មិនទាន់ផ្ទុះមកដាក់សែនអោយទេវតាជួយថែរក្សា ឥលូវស៊ីម៉ាក់មករឹបអូស

ករណីគ្រាន់មិនទាន់ផ្ទុះជាច្រើនត្រូវបានប្រជាពលរដ្ឋយកមករៀបចំដោយមានសកម្មភាពប្លែកៗផ្សេងៗគ្នាជាច្រើន ដោយក្នុងនោះមជ្ឈមណ្ឌលសកម្មភាពកំចាត់មីនកម្ពុជា ហៅកាត់ថា CMAC ធ្លាប់បានចុះផ្សាយករណីយកគ្រាប់បែកមិនទាន់ផ្ទុះមកព្យួរនៅលើដើមអំពិល និងអុចធូប សំរាប់កំសាន្តអារម្មណ៍ និងសំបកគ្រាប់បែកខ្នាតយក្សមកធ្វើជួងគោះនៅតាមសាលារៀនជាដើម។

ប៉ុន្តែថ្មីៗនេះ មជ្ឈមណ្ឌលសកម្មភាពកំចាត់មីនកម្ពុជា ហៅកាត់ថា CMAC បានជួបហេតុការណ៍ថ្មីដែលប្លែកប្រចាំឆ្នាំមួយទៀតគេ ប្រជាពលរដ្ឋបានទិញរានទេវតា រួចយកគ្រាប់មិនទាន់ផ្ទុះមកដាក់ជាដង្វាយសែនសុំអោយទេវតាជួយថែរក្សាការពារសុវត្ថិភាពទៅវិញ៕