ឆក់ចំថ្ងៃស៊យ! ចោរស្ទាវ២នាក់ជិះម៉ូតូឆក់ទូរស័ព្ទស្រីស្អាតកំពុងជិះកង់៣ តែរត់មិនរួចត្រូវប្រជាពលរដ្ឋ និងសមត្ថកិច្ចចាប់បាន

រាជធានីភ្នំពេញ៖ យោងតាមភ្នាក់ងារសារព័ត៌មានខ្មែរណូត បានឲ្យដឹងថា នគរបាលខណ្ឌមានជ័យ សហការជាមួយកម្លាំងនគរបាលខណ្ឌចំការមន ចាប់បានជនសង្ស័យ២នាក់ បន្ទាប់ពីជិះម៉ូតូ Suzuki Nex ឌុបគ្នា ធ្វើសកម្មភាពឆក់ទូរស័ព្ទ iPhone 11 ពីនារីរូបស្រស់ម្នាក់ ដែលកំពុងជិះកង់បីឥណ្ឌាមួយគ្រឿង បានសម្រេច នៅតាមផ្លូវ២៧១ សង្កាត់ផ្សារដើមថ្កូវ ខណ្ឌចំការមន ហើយជិះរត់គេចខ្លួន តែរត់មិនរួច ត្រូវប្រជាពលរដ្ឋ និងសមត្ថកិច្ចប៉ុស្តិ៍បឹងទំពុនទី២ ចាប់ឃាត់ខ្លួនបាន រួចប្រគល់អោយសមត្ថកិច្ចប៉ុស្តិ៍ផ្សារដើមថ្កូវ យកទៅសួរនាំផងដែរ នៅម៉ោង៧យប់ ថ្ងៃទី២៧ ខែកក្កដា ឆ្នាំ២០២០នេះ ។

ជនសង្ស័យទី១.ឈ្មោះ នាង ដេវីត អាយុ១៧ឆ្នាំ ស្នាក់នៅភូមិត្នោតជ្រុំ២ សង្កាត់បឹងទំពុន២ ខណ្ឌមានជ័យ ។ ទី២.ឈ្មោះ កែវ ដួងពេជ្រ អាយុ១៧ឆ្នាំ ស្នាក់នៅម្ដុំក្បាលទំនប់ ផ្សារដើមថ្កូវ ខណ្ឌចំការមន៕

ដោយ៖ បងម៉េង ខ្មែរណូត