សូមប្រយ័ត្ន! នឹងមានភ្លៀងធ្លាក់ច្រើន និងខ្យល់ខ្លាំង អាចមានជំនន់ទឹកភ្លៀងកើតមាននៅតំបន់មួយចំនួន ចាប់ពីថ្ងៃនេះដល់ថ្ងៃទី៤

យោងតាមការបញ្ជាក់ពីក្រសួងធនធានទឹក និងឧតុនិយម បានឲ្យដឹងថា ដោយសារឥទ្ធិពលនៃសម្ពាធ ដែលបច្ចុប្បន្ននៅក្នុងសមុទ្រចិនខាងត្បូងក្បែរកោះហហៃណាំ រួចបន្តដំណើរចូលវៀតណាមភាគខាងជើង នៅថ្ងៃទី០២ ខែសីហា ខាងមុខ ដែលលក្ខណៈបែបនេះ ក្រសួងសូមធ្វើការជូនដំណឹងបន្ថែម ដោយចាប់ពីថ្ងៃទី១-៤ ខែសីហា ព្រះរាជាណាចក្រកម្ពុជា មានស្ថានភាពដូចតទៅ៖

១- ចំពោះបណ្តាខេត្តនៅមាត់សមុទ្រ នឹងអាចមានភ្លៀងធ្លាក់ច្រើនខ្យល់ខ្លាំង និងរលកធំៗ។ ទន្ទឹមនោះ ក៏អាចមានជំនន់ទឹកភ្លៀងកើតមានផងដែរ។

២- បណ្តាខេត្តនៅភាគឦសាន នឹងអាចមានភ្លៀងច្រើន និងខ្យល់ខ្លាំង។

៣- ឯចំពោះបណ្តាខេត្តនៅភាគខាងក្រោម នឹងអាចទទួលនូវឥទ្ធិពលហ្វឺន ធ្វើឲ្យកម្រិតទឹកភ្លៀងមានការថមថយចុះបន្តិច។

៤- ចំណែកទឹកទន្លេមេគង្គ សង្ឃឹមថានឹងងើបឡើង មូលហេតុមានភ្លៀងច្រើននៅតំបន់ផ្ទៃរងទឹកភ្លៀងខាងលើ៕