សូមប្រយ័ត្ន! ចាប់ថ្ងៃទី០៥ដល់ថ្ងៃទី១១ ខែសីហា នឹងមានភ្លៀងបន្តធ្លាក់រាយប៉ាយ ពិសេសនៅតំបន់មាត់សមុទ្រ អាចមានភ្លៀងធ្លាក់ខ្លាំង

ភ្នំពេញ៖ នៅថ្ងៃទី០៤ ខែសីហា ឆ្នាំ២០២០នេះ ក្រសួងធនធានទឹក និងឧតុនិយម បានចេញសេចក្ដីជូនដំណឹងមួយ ដោយបានបញ្ជាក់ថា តាមរយៈនៃការវិវត្ត និងប្រែប្រួលជាបន្តបន្ទាប់ នៃស្ថានភាពអាកាសធាតុ សង្កេតឃើញថា កម្ពុជាទទួលរងឥទ្ធិពល ពីជ្រលងសម្ពាធទាប និងខ្យល់មូសុងនិរតីខ្សោយ ហើយក្នុងស្ថានភាពធាតុអាកាសនៅកម្ពុជា ចាប់ពីថ្ងៃទី ០៥-១១ ខែសីហា ឆ្នាំ២០២០ ភ្លៀងបន្តធ្លាក់រាយប៉ាយពីតិចទៅច្រើន ពិសេសនៅតំបន់មាត់សមុទ្រ នឹងអាចមានភ្លៀងធ្លាក់ខ្លាំងកើតឡើង ។ ក្រសួងធនធានទឹកនិងឧតុនិយម បានធ្វើការអំពាវនាវដល់ប្រជាពលរដ្ឋ បន្ដប្រុងប្រយ័ត្នចំពោះបាតុភូត ផ្គរ រន្ទះ ខ្យល់កន្ត្រាក់ និងរលកសមុទ្រ ដែលនៅបន្តកើតមាន ៕

ប្រភព៖ មន្ទីរព័ត៌មានខេត្តសៀមរាប