សាហាវណាស់! មុននេះ មានករណីរថយន្តធន់ធំដាច់ហ្វ្រាំងបុករះម៉ូតូ និងរថយន្ត០៧គ្រឿងខូចខាតយ៉ាងដំណំ រថយន្តខ្លះស្ទើរសំប៉ែតក្រោយត្រូវរថយន្តបង្កបុក និងកិនពីលើ (មានវីដេអូ)

យោងតាមការបញ្ជាក់នៅលើគណនីហ្វេសប៊ុករបស់ឯកឧត្តម ខៀវ កញ្ញារីទ្ធ បានឲ្យដឹងថា នៅវេលាប្រហែលម៉ោង៣ជាង នាថ្ងៃទី៥ សីហា ២០២០ មានគ្រោះថ្នាក់ចរាចរណ៍មួយកើតឡើង លើផ្លូវជាតិលេខ៧ ត្រង់ចំណុចភូមិទួលអង្រ្គង ឃុំក្រែក ស្រុកពញាក្រែក ខេត្តត្បូងឃ្មុំ បណ្ដាលមកពីរថយន្តធន់ធំ ដាច់ហ្រ្វាំងរេចង្កូចទៅបុករថយន្តធន់តូចចំនួន៥គ្រឿង និងម៉ូតូ០២គ្រឿងទៀតដែលចតនៅតាមចិញ្ចើមផ្លូវ បណ្តាលអោយខូចខាតយ៉ាងដំណំ មិនមានគ្រោះថ្នាក់ដល់អាយុជីវិតមនុស្សទេ ចំណែកអ្នកបើកបររថយន្តបង្កត្រូវបានឃាត់ខ្លួនបានភ្លាមៗបញ្ជូនមកអធិការដ្ឋាននគរបាលស្រុកពញាក្រែក៕