ពូកែមែន! ឯកឧត្តម គួច ចំរើន បង្ហាញឧបករណ៍ថ្មីសម្រាប់ស្ទាក់សំរាមចេញពីអូរ និងប្រឡាយ សាមញ្ញ ចំណាយតិច ហើយប្រមូលសំរាមបានស្រួលទៀត
- August 8, 2020
ក្រុងព្រះសីហនុ- កាលពីពេលថ្មីៗនេះ យោងតាមការបង្ហោះឲ្យដឹងនៅលើទំព័រហ្វេសប៊ុក ឯកឧត្តម គួច ចំរើន អភិបាលខេត្តព្រះសីហនុ បានបង្ហាញពីឧបករណ៍ថ្មីសម្រាប់ស្ទាក់ប្រមូលសំរាម ដែលមានសណ្ឋានដូចមាត់លប ជំនួសសំណាញ់សរសៃដែក ទទួលបានលទ្ធផលល្អ ងាយស្រួលក្នុងការលើយកសំរាមចេញពីអូរ ប្រឡាយក្នុងក្រុងព្រះសីហនុ។
ឯកឧត្តមបានឲ្យដឹងទៀតថា ឧបករណ៍នេះត្រូវបានកែឆ្នៃដោយមន្ត្រីនៃមន្ទីរធនធានទឹកខេត្ត ដោយវាមានលក្ខណៈសាមញ្ញ ចំណាយតិច តែអាចប្រមូលសំរាមបានល្អ។មន្ត្រីខេត្តបានឲ្យដឹងថា ក្រោយដាក់សាកល្បង ឃើញថាសំរាមបានហូរចូលក្នុងទ្រុងដែកនោះ បង្កលក្ខណៈងាយស្រួលសម្រាប់លើកយកចេញ។ ទោះជាយ៉ាងនេះក្តី មន្ត្រីលើកឡើងថា ការចូលរួមរបស់ពលរដ្ឋក្នុងការទុកដាក់សំរាមត្រឹមត្រូវ ទើបជាជោគជយ័ផ្លូវការក្នុងការរក្សាបរិស្ថានក្នុងក្រុងព្រះសីហនុ៕
- Share This Post: