រកឃើញវិជ្ជមានកូវីដ-១៩ ថ្មីចំនួន០៣នាក់បន្ថែមទៀត ជាបុរសខ្មែរមានអាស័យដ្ឋាននៅខេត្តត្បូងឃ្មុំ ដែលទើបត្រឡប់មកពីប្រទេសឥណ្ឌា និងករណីជាសះស្បើយ២នាក់ទៀត

នៅព្រឹកថ្ងៃទី១០ ខែសីហា ឆ្នាំ២០២០ ក្រសួងសុខាភិបាលកម្ពុជា បានចេញសេចក្តីជូនដំណឹងពីការរកឃើញអ្នកមានជំងឺកូវីដ១៩ ចំនួន០៣នាក់បន្ថែមទៀត និងព្យាបាលជាសះស្បើយចំនួន០២នាក់ផងដែរ។

យោងតាមសេចក្តីប្រកាសរបស់ក្រសួងសុខាភិបាល ចំពោះវិជ្ជមានកូវីដ-១៩ ចំនួន០៣នាក់នោះ គឺជាបុរសខ្មែរដែលមានអាស័យដ្ឋាននៅខេត្តត្បូងឃ្មុំ និងទើបតែមកពីប្រទេសឥណ្ឌា កាលពីថ្ងៃទី២៣ ខែកក្កដា ឆ្នាំ២០២០ កន្លងទៅ ហើយពួកគេត្រូវបានធ្វើតេស្តចំនួន៤ដង ទើបរកឃើញវិជ្ជមាន នៅថ្ងៃទី១៣ នៃការធ្វើចត្តាឡីស័ក៕