រថយន្ត Lexus LX 570 ស៊េរីឆ្នាំ២០២១ ទើបតែបង្ហាញខ្លួនក្ដៅៗ ហើយទំនងនឹងមានលក់នៅទីផ្សារសហរដ្ឋអាមេរិកចុងឆ្នាំនេះ
- BY
- autoadmin
- August 14, 2020
រថយន្ត Lexus LX ស៊េរីឆ្នាំ២០២១ បានមកដល់ហើយ ជាមួយនឹងការធ្វើបច្ចុប្បន្នភាពមួយចំនួនតូច និងមានកំណត់។ ការផ្លាស់ប្តូរមានកម្រិតតិចតួចមែន ប៉ុន្តែរថយន្ត SUV ប្រណីតនេះអាចភ្ជាប់ជាមួយ Amazon Alexa ក៏ដូចជាក្រណាត់ស្រោបកៅអីប្រភេទ Glazed Caramel ថ្មី។ ពណ៌នៅផ្នែកខាងក្រៅក៏ត្រូវបានគេធ្វើបច្ចុប្បន្នភាពផងដែរ ដោយអតិថិជនអាចជ្រើសរើសយកពណ៌ស្លែ Nori Green Pearl បាន។ ចំណែកប្រភេទស្ព័រ (Sport Package) ក៏ត្រូវបានធ្វើបច្ចុប្បន្នភាពដែរ ដោយឥឡូវនេះមានប៉ាណាមុខស្អាតជាងមុន និងមានយ៉ានស្ព័រទំហំ ២១អ៉ីញ ឱ្យជ្រើសរើស។
Lexus LX 570 Sport Package
ប៉ុន្តែយ៉ាងណារឿងសំខានសម្រាប់ឆ្នាំ២០២១ គឺ LX Inspiration Series មានផលិតឡើងតែ ៥០០ គ្រឿងប៉ុណ្ណោះ។ វាក៏មានតែ ២ ពណ៌ គឺពណ៌ស និង ខ្មៅ ហើយប៉ាណាមុខរបស់វាគឺពណ៌ខ្មៅ ជាមួយនឹងស៊ុមបង្អួចក៏ពណ៌ខ្មៅ។ ម៉ូដែលនេះមានតែមផុសពណ៌ខ្មៅ ដៃទ្វាររពណ៌ខ្មៅ និងមានយ៉ាន់ស្ព័រទំហំ ២១អ៉ីញ ដូចគ្នា។ គ្រប់ LX ស៊េរីថ្មីឆ្នាំ២០២១ ទាំងប្រភេទស្ព័រ និង Inspiration Series ត្រូវបំពាក់ដោយម៉ាស៊ីន v8 ទំហំ 5.7លីត្រ ដែលអាចផលិតថាមពល 383 hp (286 kW / 388 PS) និងកម្លាំងបង្វិល 403 lb-ft (546 Nm) ហើយវាភ្ជាប់ជាមួយប្រអប់លេខអូតូ៨វគ្គ និងប្រព័ន្ធប៉ុង២។ យ៉ាងណាក៏ដោយ Lexus មិនបានបញ្ជាក់ពីតម្លៃនោះទេ ប៉ុន្តែទំនងមាននៅអាមេរិកនៅចុងឆ្នាំនេះ៕
អត្ថបទ៖ លីដា
ប្រភព៖ Car Scoops
- Share This Post: