ការសិក្សាមួយបានបង្ហាថា ចំនួនអ្នកឆ្លងជំងឺកូវីដ ១៩ នៅឥណ្ឌាអាចកើនដល់ជាង ៦០លានករណី
- BY
- autoadmin
- October 1, 2020
ឥណ្ឌា៖ ការសិក្សាមួយបានបង្ហាញថា ចំនួនអ្នកឆ្លងជំងឺកូវីដ ១៩ នៅក្នុងប្រទេសឥណ្ឌាអាចនឹងកើនឡើងរហូតដល់ជាង ៦០ លានករណី ពោលគឺអាចកើនឡើង ១០ ដង បើធៀបនឹងតួលេខអ្នកឆ្លងនាពេលបចុប្បន្ននេះ។ ការសិក្សាមួយនេះត្រូវបានធ្វើឡើងដោយក្រុមប្រឹក្សាស្រាវជ្រាវវេជ្ជសាស្ត្រឥណ្ឌា ដោយផ្អែកលើវិសាលភាពនៃការរាតត្បាតជំងឺជាក់ស្តែង វិធានការរបស់អាជ្ញាធរ និងស្ថានភាពជាក់ស្តែងរបស់ពលរដ្ឋឥណ្ឌាគ្រប់រូប។
តាមរយៈទិន្នន័យដែលគេទទួលបានពីប្រជាពលរដ្ឋនិងការវិភាគទៅលើកត្តាខាងលើនេះទើបក្រុមអ្នកជំនាញឥណ្ឌាហ៊ានព្យាករណ៍ថា ចំនួនឆ្លងជំងឺកូវីដ ១៩ នៅទូទាំងប្រទេសឥណ្ឌាអាចកើនដល់ ៦១ លានករណី ប្រសិនស្ថានភាពគ្រប់បែបយ៉ាងនៅបន្តដូចពេលបច្ចុប្បន្ននេះ។ យ៉ាងណាក្តី ក្រុមអ្នកជំនាញឥណ្ឌាក៏បានឲ្យដឹងផងដែរថា ក្នុងករណីដែលគេអាចផលិតវ៉ាក់សាំងបានក្នុងរយៈពេលដ៏ឆាប់ខាងមុខនេះ ការព្យាការណ៍របស់ពួកគាត់អាចនឹងប្រែប្រួលផងដែរ។ សូមបញ្ជាក់ថា ឥណ្ឌាគឺជាប្រទេសដែលមានចំនួនប្រជាជនច្រើនបំផុតលំដាប់ទី ២ នៅលើពិភពលោក ដោយគិតត្រឹមឆ្នាំ ២០២០ នេះឥណ្ឌាមានប្រជាពលរដ្ឋសរុបជាង ១,៤ ពាន់លាននាក់ ចំណែកចំនួនអ្នកឆ្លងជំងឺកូវីដ ១៩ សរុបវិញគិតត្រឹមពេលចុះផ្សាយនេះមានចំនួន ៦ ៣១០ ២៦៧ ករណី និងស្លាប់ ៩៨ ៧០៨ ករណីផងដែរ៕
អត្ថបទ៖ ភក្តី
ប្រភព៖ Bangkok Post
- Share This Post: