តៃកុងឡានដឹកដីបើកបុកយុវជន ដែលឈរនៅលើផ្លូវធ្វើព្រងើយមិនព្រមជៀសនោះ ត្រូវសមត្ថកិច្ចឃាត់ខ្លួនបានហើយ

ខេត្តកំពង់ឆ្នាំង៖ កាលពីពេលថ្មីៗនេះ មានការចែកចាយតៗគ្នាជាច្រើននៅក្នុងបណ្តាញសង្គមហ្វេសប៊ុក ទាក់ទងនឹងខ្សែវីដេអូខ្លីបង្ហាញពីគ្រោះថ្នាក់ចរាចរណ៍ដ៏រន្ធត់មួយកើតឡើងនៅចំណុចភូមិថ្មី ឃុំពានី ស្រុកកំពង់ត្រឡាច ខេត្តកំពង់ឆ្នាំង។ តាមរយៈខ្សែវីដេអូនោះបង្ហាញឲ្យឃើញថា មុនពេលកើតហេតុគេឃើញយុវជនមួយក្រុមបានឈរលេងនៅលើផ្លូវ ក្រោយមកមានរថយន្តដឹកដីមួយគ្រឿងបានធ្វើដំណើរ ហើយបានស៊ីផ្លេឲ្យក្រុមយុវជនទាំងនោះចេញពីផ្លូវ ប៉ុន្តែមានយុវជនម្នាក់ព្រហើនមិនព្រមចេញ ទើបត្រូវរថយន្តដឹកដីបុកបណ្តាលឲ្យរបួសធ្ងន់តែម្តង។

នៅថ្ងៃទី០៤ ខែតុលា ឆ្នាំ២០២០ នេះផងដែរ តៃកុងរថយន្តដឹកដីរូបនោះត្រូវបានកម្លាំងសមត្ថកិច្ចធ្វើការឃាត់ខ្លួនបានហើយ ពេលនេះកំពុងតែចាត់វិធានការតាមនីតិវិធី។