TOP NEWS : ក្រសួងរកឃើញអ្នកប៉ះពាល់ក្នុងព្រឹត្តិការណ៌ ៣ វិច្ឆិកា មានចំនួនសរុប “១៤៨១នាក់” គិតត្រឹមថ្ងៃទី ១១ វិច្ឆិកានេះ
ក្រសួងសុខាភិបាលនៃព្រះរាជាណាចក្រកម្ពុជា បានចេញសេចក្តីប្រកាសថា ថ្ងៃទី១១ ខែវិច្ឆិកា ឆ្នាំ២០២០ បានធ្វើការតេស្តអ្នកប៉ះពាល់ក្នុងព្រឹត្តិការណ៌ ៣ វិច្ឆិកា មានចំនួន ៣៦៥នាក់ ដែលក្នុងនោះមាន ៣១៥នាក់ និងវត្ថុសំណាក ២៣នាក់ដែលនៅសល់ថ្ងៃទី ១០ វិច្ឆិកានោះ ទទួលបានលទ្ធផល អវិជ្ជមានកូវីដ១៩ ទាំងអស់ និងនៅសល់ចំនួន ៥០នាក់ទៀតត្រូវធ្វើបន្តនៅថ្ងៃទី ១២ ខែវិច្ឆិកា ឆ្នាំ២០២០ស្អែកនេះ។
ក្រសួងរកឃើញអ្នកប៉ះពាល់ក្នុងព្រឹត្តិការណ៌ ៣ វិច្ឆិកា មានចំនួនសរុប “១៤៨១នាក់” ដែលទទួលបានលទ្ធផលពីវិទ្យាស្ថានប៉ាស្ទ័រកម្ពុជាដែលក្នុងនោះអ្នកវិជ្ជមានកូវីដ១៩ មានចំនួន ៤ នាក់ (បានរាយការណ៍ជូនជាសាធារណរួចហើយ) ហើយអ្នកជំងឺកំពុងសម្រាកព្យាបាលនៅមន្ទីរពេទ្យមិត្តភាពខ្មែរសូវៀត។ ចំណែកព្រឹកនេះផងដែរ ក្រសួងសុខាភិបាលនៃព្រះរាជាណាចក្រកម្ពុជា ក៏បានប្រកាសឲ្យដឹងពីករណីវិជ្ជមានវីរុសកូវីដ-១៩ ចំនួន ០១នាក់ លើស្រ្តីជនជាតិអាមេរិកកាំងអាយុ ៣៥ឆ្នាំ ដែលធ្វើដំណើរពីសហរដ្ឋអាមេរិក មកកម្ពុជាតាមរយៈជើងយន្តហោះកូរ៉េខាងត្បូង និងមកដល់កម្ពុជាតាំងពីថ្ងៃ ០៤ វិច្ឆិកា ឆ្នាំ២០២០ ហើយទើបធ្វើតេស្តលើកទី២ បានរកឃើញវិជ្ជមានកូវីដ១៩។
សូមអានសេចក្តីជូនព័ត៌មានខាងក្រោមនេះ ៖
