រំភើបជំនួស! ប្អូនប្រុស ពេជ្រ ធារ៉ា ពេលនេះទទួលបានកង់ថ្មីនិងសម្ភារជាច្រើនពីសប្បុរសជន ក្រោយដឹងថាកង់ចាស់ដែលប្អូនទិញពីអេតចាយតម្លៃត្រឹម ២ម៉ឺនរៀល ដើម្បីចូលប្រកួត
យោងតាមផេកហ្វេសបុក KING of FatBike បានរៀបរាប់ឲ្យដឹងថា៖ វប្បធម៌នៃការចែករំលែក និងការលើកទឹកចិត្តចំពោះក្មួយប្រុសដែលមានឆន្ទះខ្ពស់ក្នុងការស្រឡាញ់កីឡាប្រណាំងកង់។ ថ្ងៃទី ១១ ខែ វិច្ឆិកា ឆ្នាំ ២០២០ លោក ម៉ឹង ពន្លក ប្រធានសមាគមចលនាយុវជនកម្ពុជា(ក្រុម១៥៧)បានចាត់តំណាងអោយ(ក្រុមកង់១៥៧)យកអំណោយជូនកុមារា ពេជ្រ ធារ៉ា តាមការសន្យា កាលពីថ្ងៃទី០៨ ខែវិច្ឆិកា ឆ្នាំ២០២០ ដែលគាត់ស្រលាញ់កីឡាជិះកង់ បានចូលរួមប្រណាំងកង់នៅទីលានទួលម៉ូតូហោះព្រែកលាភ ដែលមាន ឪពុកឈ្មោះ ពេជ្រ ថា ជាកម្មករសំណង់និងម្តាយឈ្មោះ ប្រ៉ុយ មុំ កំពុងមានជំងឺប្រចាំកាយ និងមានបងប្អូនចំនួន៥នាក់ ហេីយកុមារាពេជ្រ ធារ៉ា ជាកូនពៅ។
ដោយឃេីញការខ្វះខាតខ្លាំងរបស់កុមារពេជ្រ ធារ៉ា លោក មុឹង ពន្លឹក ប្រធានសមាគមចលនាយុវជនកម្ពុជា(ក្រុម១៥៧)បានចង្អុលបង្ហាញអោយបងប្អូនយេីងចូលរួមសហការគ្នាដេីម្បីទិញកង់ថ្មីអោយកុមារពេជ្រ ធារ៉ា។ អំណោយទាំងនោះមាន៖
– កង់ថ្មី ចំនួន ១គ្រឿង និងសម្ភារៈកង់ ១កំប្លេ
– អាវកង់ (ក្រុម១៥៧)
– ស្បែកជើង ១ គូ
– ខោ អាវ Baleno ១ កំប្លេ
– កាតាប ១ សៀវភៅ ១០ ក្បាល ប៊ិច ១ កំប៉ុង
– អង្ករ ២០គីឡូ
– ទឹកត្រី ១យួរ
– ទឹកស៊ីអីវ ១ យួរ
– ត្រីខ កំប៉ុង ១យួរ
– ទឹកសុទ្ធ ១កេស
នឹងថវិកា ៧០០,០០០ រៀលគត់។ អត្ថបទ និងរូបភាពដោយ៖ KING of FatBike
