បុរសចំណាស់ម្នាក់អះអាងថាត្រូវកូនៗកាត់កាលចោល ដើរទៅពេទ្យដោយខ្លួនឯងព្យាបាលជំងឺ តែមិនទាន់ដល់ពេទ្យផងស្រាប់តែដេកដួលតាមផ្លូវ
រាជធានីភ្នំពេញ៖ បុរសចំណាស់ម្នាក់មានកូន៣នាក់(ប្រុស២ស្រីម្នាក់) ត្រូវបានគាត់អះអាងប្រាប់ថា បានកាត់កាលគាត់ជាឪពុកបង្កេីតអាយុ៧៨ឆ្នាំចោល បណ្ដោយឲ្យគាត់ដេីរទៅរកពេទ្យដោយខ្លួនឯង រហូតដេកដួលតាមផ្លូវ ទាំងមានជំងឺប្រចាំកាយ(ទំនងជាជម្ងឺសួត) ហេតុការណ៍នេះបានកេីតឡេីងកាលពីវេលានៅព្រឹកថ្ងៃទី១៩ ខែវិច្ឆិកា ឆ្នាំ២០២០នេះ នៅតាមដងផ្លូវឧញ្ញ៉ាទេពផន(១៨២) សង្កាត់ទឹកល្អក់៣ ខណ្ឌទួលគោក រាជធានីភ្នំពេញ សូមអរគុណបងសមត្ថកិច្ចនគរបាលចរាចរណ៍មួយរូប ដែលចុះជួយសម្រួលចរាចរណ៍នៅកន្លែងកើតហេតុផងដែរ។
អ្នកជម្ងឺសួតពិតជាលំបាកក្នុងការដកដង្ហេីមណាស់ ខ្ញុំចងចាំមួយជីវិត ព្រោះម្ដាយរបស់ខ្ញុំមានកូនតែខ្ញុំម្នាក់ នៅពេលដែលខ្ញុំគ្មានលទ្ធភាពរកថ្លៃព្យាបាលជម្ងឺគាត់ ខ្ញុំត្រូវបានសប្បុរសជនដែលស្គាល់ខ្ញុំជិតឆ្ងាយជួយឧបត្ថម្ភថ្លៃព្យាបាល រយៈពេលជិត២ខែ តែដោយសារស្ថានភាពម៉ាក់ខ្ញុំធ្ងន់គាត់ក៏បានចាកចោលខ្ញុំទៅ តួយ៉ាងបេីសិនជាអុំប្រុសនេះត្រូវបានបញ្ជូនទៅមន្ទីរពេទ្យហេីយ តេីអ្នកណានៅមេីលថែរក្សាគាត់ទៅ? សង្ឃឹមថាក៏បង្ហោះរបស់ខ្ញុំនេះ អាចមានអ្នកចែករំលែកបន្តគ្នា ដល់អ្នកមានណាមានទឹកចិត្តជួយគាត់ទាន់ពេលផង ជូនពរលោកអុំជួបសំណាងល្អ អាចមានអ្នកជួយអុំបានធូរស្បើយឡើងវិញផងចុះ ដោយក្ដីគោរព។
បច្ចុប្បន្នគាត់ត្រូវបានបងប្អូនប្រជាពលរដ្ឋ រួមទាំងសមត្ថកិច្ចទាក់ទងរថយន្តសាមុយមន្ទីរពេទ្យព្រះកុសុមៈ(ពេទ្យលោកសង្ឃ)មកដឹកយកទៅសង្គ្រោះនៅឯមន្ទីរពេទ្យហេីយ។ អម្រែកដែលអ្នករែកឪពុកចោលគង់និងថ្ងៃណាមួយរែកអ្នកចោលវិញមិនខានឡើយ ៕
ដោយ៖ បងម៉េង ខ្មែរណូត