ឃាត់ខ្លួនចិនប្រុសស្រី០៣នាក់ ពាក់ព័ន្ធករណីកាន់កាប់អាវុធខុសច្បាប់
រាជធានីភ្នំពេញ៖ យោងតាមការចុះផ្សាយរបស់ Phnom Penh Gendarmerie បានបញ្ជាក់ឲ្យដឹងថា ជនសង្ស័យជា ជនជាតិចិន០៣នាក់ ត្រូវបានអាវុធហត្ថរាជធានីភ្នំពេញ កសាងសុំណុំរឿងបញ្ជូន ទៅតុលាការនារសៀលថ្ងៃទី១៦ ខែធ្នូ ឆ្នាំ២០២០ ពាក់ព័ន្ធករណីកាន់កាប់អាវុធខុសច្បាប់ បន្ទាប់ពីត្រូវបានកម្លាំងមូលដ្ឋាន កងរាជអាវុធហត្ថខណ្ឌចំការមន ឃាត់ខ្លួននៅចំណុចផ្សារផ្លាហ្សាបឹងត្របែក ផ្លូវ៤៦៦ សង្កាត់បឹងត្របែក ខណ្ឌចំការមន រាជធានីភ្នំពេញ ដោយដកហូតវត្ថុតាង អាវុធវែង ១ដើមម៉ាកM16 មានបង់ចំនួន២ គ្រាប់ចំនួន៥៤គ្រាប់។
ជនជាតិចិនទាំង៣នាក់នោះ ទី១.ឈ្មោះ CHEN MAO DON ឈ្មោះ ហៅ (A TAO) ភេទប្រុស អាយុ២៦ឆ្នាំ មុខរបរជាអ្នកបើកបររថយន្ត ស្នាក់នៅផ្ទះលេខ៩៧ ភូមិដំណាក់ត្រយឹង សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ។ ទី២.ឈ្មោះ YANG XIAO LONG ហៅ (QUI QUI) ភេទប្រុស អាយុ២៤ឆ្នាំ មុខរបរកម្មករសំណង់ ស្នាក់នៅខុនដូ ស្តារស៊ីធី ជាន់ទី៣ បន្ទប់៣១៣ ខណ្ឌសែនសុខ រាជធានីភ្នំពេញ និងទី៣.ឈ្មោះ ZHANG WEN LI ភេទស្រី អាយុ២៤ឆ្នាំ មុខរបរមិនពិតប្រាកដ ស្នាក់នៅខុនដូជាមួយឈ្មោះ (QUI QUI)៕
