ព្រឹកនេះ ក្រសួងសុខាភិបាលបន្តរកឃើញពលករមកពីថៃ ០៧នាក់ទៀតបានឆ្លងកូវីដ១៩

នៅព្រឹកថ្ងៃទី២០ ខែមករា ឆ្នាំ២០២១នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ការរកឃើញករណីវិជ្ជមានវីរុសកូវីដ១៩ថ្មី ចំនួន០៧នាក់ និងមានករណីជាសះស្បើយចំនួន០៦នាក់ផងដែរ។

យោងតាមសេចក្តីប្រកាសរបស់ក្រសួងសុខាភិបាល បានបញ្ជាក់ថា អ្នកវិជ្ជមានទាំង០៧នាក់នោះ គឺជាពលករប្រុសស្រីដែលធ្វើដំណើរមកពីប្រទេសថៃទាំងអស់ បច្ចុប្បន្នកំពុងតែសម្រាកព្យាបាលនៅមន្ទីរពេទ្យបង្អែកខេត្តបន្ទាយមានជ័យ។ គិតមកទល់បច្ចុប្បន្ន អ្នកជំងឺកូវីដ១៩ កំពុងសម្រាកព្យាបាលនៅមន្ទីរពេទ្យមានចំនួនសរុប៥៦នាក់។ សូមអានព័ត៌មានលំអិតខាងក្រោម៖