សម្តេចតេជោ អោយរដ្ឋមន្ត្រីក្រសួងសុខាភិបាល ធ្វើជំរឿនអ្នកដែលចង់ចាក់ វ៉ាក់សាំងកូវីដ-១៩ ដែលគ្រោងមកដល់ក្នុងពេលឆាប់ៗនេះ
- January 22, 2021
ថ្លែងនៅក្នុងពិធីសម្ពោធអោយប្រើប្រាស់អគារទីស្តីការក្រសួងសាធារណការ និងដឹកជញ្ជូន នាព្រឹកថ្ងៃទី២២ ខែមករា ឆ្នាំ២០២០ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបញ្ជាឱ្យ ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល ធ្វើជំរឿនអ្នកដែលចង់ចាក់វ៉ាក់សាំងកូវីដ-១៩ ខណៈដែលជំនួយវ៉ាក់សាំងនេះនៅមានកំណត់នៅឡើយ។
សម្តេចតេជោ បានបញ្ជាក់ផងដែរថា សម្តេចនឹងទៅទទួលវ៉ាក់សាំងដោយផ្ទាល់នៅអាកាសយាន្តដ្ឋានអន្តរជាតិភ្នំពេញ ពេលដែលវ៉ាក់សាំងមកដល់ ព្រោះវាជាទំនិញយុទ្ធសាស្ត្រ។ គួរបញ្ជាក់ផងដែរថា បើតាមគម្រោង COVAX នឹងផ្ដល់វ៉ាក់សាំងមកកម្ពុជា ស្មើនឹង២០ភាគរយនៃចំនួនប្រជាជនយើង ប៉ុន្តែជំហានដំបូង នៅខែមិថុនា អាចផ្តល់ប្រមាណ៣ភាគរយប៉ុណ្ណោះ៕
- Share This Post: