ក្រសួងសុខាភិបាលរកឃើញជនជាតិខ្មែរ១១នាក់ ក្នុងនោះមានកុមារាម្នាក់ បានឆ្លងកូវីដ១៩ ពាក់ព័ន្ធព្រឹត្តិការណ៍ សហគមន៍២០កុម្ភៈ

នៅព្រឹកថ្ងៃទី២២ ខែកុម្ភៈ ឆ្នាំ២០២១នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ការរកឃើញករណីវិជ្ជមានវីរុសកូវីដ១៩ថ្មី ចំនួន៣៥នាក់ និងមានករណីជាសះស្បើយចំនួន០២នាក់ផងដែរ។ យោងតាមសេចក្តីប្រកាសរបស់ក្រសួងសុខាភិបាល បានបញ្ជាក់ថា អ្នកវិជ្ជមានទាំង៣៥នាក់នោះ គឺមាន០៤នាក់ជាអ្នកដំណើរចូលមកកម្ពុជា និង៣១នាក់ទៀតជាអ្នកពាក់ព័ន្ធព្រឹត្តិការណ៍ សហគមន៍២០កុម្ភៈ។

ក្នុងចំណោមអ្នកវិជ្ជមានទាំង៣១នាក់ ដែលពាក់ព័ន្ធព្រឹត្តិការណ៍សហគមន៍២០កុម្ភៈ ក្នុងនោះមានជនជាតិខ្មែរចំនួន១១នាក់បានឆ្លងជំងឺកូវីដ១៩នេះ មានបុរសជនជាតិខ្មែរ០៥នាក់ ស្ត្រីជនជាតិខ្មែរ០៥នាក់ និងកុមារាជនជាតិខ្មែរ ០១នាក់។ សូមអានព័ត៌មានលំអិតខាងក្រោម៖