គ្រោះថ្នាក់រថយន្តបុកគ្នានៅខេត្តព្រៃវែង បណ្តាលឲ្យឆាបឆេះរថយន្ត២គ្រឿង និងមួយគ្រឿងទៀតក្រឡាប់ធ្លាក់ផ្លូវ

ខេត្តព្រៃវែង៖ (ព័ត៌មានបឋម) យោងតាមការបញ្ជាក់នៅលើគណនីហ្វេសប៊ុករបស់ឯកឧត្តម ខៀវ កាញារីទ្ធ រដ្ឋមន្ដ្រី​ក្រសួង​ព័ត៌មាន បានឲ្យដឹងថា នៅរសៀលថ្ងៃទី ២៥ ខែកុម្ភៈឆ្នាំ ២០២១នេះ នៅត្រង់ចំណុចផ្លូវក្រវ៉ាត់ក្រុងក្នុងសង្កាត់តាកោ ក្រុងព្រៃវែង ខេត្តព្រៃវែង មានករណីរថយន្តបុកគ្នាបានបណ្ដាលឲ្យឆេះរថយន្តចំនួនពីរគ្រឿង និងឡានដឹកដីមួយគ្រឿងក្រឡាប់ បណ្ដាលឲ្យមនុស្សរងរបួសម្នាក់សមត្ថកិច្ចកំពុងធ្វើការវាស់វែងរកខុសហើយនឹងត្រូវនៅកន្លែងកើតហេតុ៕