គ្រប់គ្នាកំពុងព្រួយបារម្ភរឿងកូវីដ ឯពួកគាត់វិញនាំគ្នាផឹកស៊ី ចាក់បាស់តម្លង់អ្នកជិតខាង គ្មានខ្វល់អីសោះ ហើយមិនអនុវត្តការរក្សាគម្លាតតាមការណែនាំរបស់ក្រសួងទៀត

យោងតាមការបញ្ជាក់នៅលើទំព័រហ្វេសប៊ុកផ្លូវការរបស់ ស្នងការដ្ឋាននគរបាលរាជធានីភ្នំពេញ បានឲ្យដឹងថា ទីតាំងជួបជុំផឹកសុី​ ចាក់ធុងបាស់បង្កសម្លេងរំខានជាច្រេីនទីតាំងនៅសង្កាត់បឹងកេងកង២​ ខណ្ឌបឹងកេង​កង​ សង្កាត់គោគឃ្លាង​ សង្កាត់ទឹកថ្លា​ និងសង្កាត់ភ្នំពេញថ្មី​ ខណ្ឌសែនសុខ​ ត្រូវបានសមត្ថកិច្ចចុះដល់ទីតាំងដេីម្បីធ្វេីការណែនាំអប់រំ​ និងបញ្ឈប់សកម្មភាពរំខាននេះភ្លាមៗ​ បន្ទាប់ពីក្រុមការងារព័ត៌មាន​ និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ​ ទទួលបានខំមិនពីប្រជាពលរដ្ឋក្នុងផេកស្នងការដ្ឋាននគរបាលរាជធានីភ្នំពេញ​។

សូមចូលរួមគោរពសិទ្ធអ្នកជិតខាង​ ជាពិសេសគោរពតាមការណែនាំរបស់ក្រសួងសុខាភិបាល​ ដេីម្បីចូលរួមបង្ការ​ និងទប់ស្កាត់ការឆ្លងរាលដាលវីរុសកូវីដ​ ១៩​ ៕