ប្រទេសថៃរកឃើញអ្នកឆ្លងជំងឺកូវីដ១៩ ថ្មីចំនួន ៦៤នាក់ ដែលនាំឱ្យចំនួនឆ្លងសរុបមាន ២៦,៣០៥ នាក់
- BY
- autoadmin
- March 6, 2021
យោងតាមការចុះផ្សាយរបស់សារព័ត៌មាន The Nation Thailand នៅថ្ងៃសៅរ៍ ទី០៦ ខែមីនា ឆ្នាំ២០២១ បានរាយការណ៍ថា ប្រទេសថៃបានកត់ត្រាករណីជំងឺ COVID-19 ថ្មីចំនួន ៦៤ករណី ដោយក្នុងនោះមាន ១០ករណី ជាការនាំចូលពីបរទេស ដែលធ្វើនាំឱ្យចំនួនសរុបនៃករណីជំងឺ COVID-19 ដែលប្រទេសនេះបានកត់ត្រាចាប់តាំងពីឆ្នាំមុនកើនដល់ ២៦,៣០៥ នាក់។ ពុំមានការស្លាប់ថ្មីត្រូវបានកត់ត្រាទេនៅថ្ងៃនេះ ដូច្នេះការស្លាប់សរុបនៅតែមាន ៨៥ នាក់ដដែល។
គិតត្រឹមថ្ងៃសៅរ៍នេះចំនួនករណីជំងឺ COVID-19 ដែលបានបញ្ជាក់នៅក្នុងប្រទេសថៃ បានកើនឡើងដល់ ២៦,៣០៥ ករណី ដោយក្នុងនោះមាន ២៣,៤៧២ ករណី ជាការចម្លងក្នុងសហគមន៍ ហើយ ២,៨៣៣ ករណី ជាអ្នកត្រឡប់ពីបរទេស។ រហូតមកដល់ពេលនេះមានអ្នកជំងឺ ២៥,៦៨៦ នាក់ បានជាសះស្បើយ និងត្រូវបានរំសាយចេញ និងមានអ្នកជំងឺ ៥៣៤នាក់ កំពុងសម្រាកនៅមន្ទីរពេទ្យនៅឡើយ។ ទូទាំងពិភពលោកមានករណីសរុប ១១៦.៦៧ លានករណី និងមានអ្នកស្លាប់សរុបចំនួន ២.៥៩ លាននាក់៕
អត្ថបទ៖ លីដា
ប្រភព៖ The Nation Thailand
- Share This Post: